পাঠভিত্তিক প্ৰশ্নোত্তৰ
১৷ খালী ঠাই পূৰ কৰা—
(ক) আহাৰ নাখালে আমি কাম কৰিবলৈ শক্তি নাপাওঁ।
(খ) অনাময় শৌচাগাৰ ব্যৱহাৰ কৰিব লাগে।
(গ) নিয়মীয়াকৈ খেলা-ধূলা আৰু ব্যায়াম কৰিলে আমাৰ শৰীৰ সবল হয়।
(ঘ) সেউজীয়া শাক-পাচলি, ফল-মূল আদিয়ে আমাৰ শৰীৰটোক বেমাৰৰ পৰা ৰক্ষা কৰে।
২৷ শুদ্ধ বাক্যটোত শুদ্ধ চিন দিয়া—
(ক) আহাৰে আমাৰ শৰীৰত শক্তি যোগায়। ✔️
(খ) সদায় পৰিষ্কাৰ আৰু শোধিত পানীহে
খাব লাগে।✔️
(গ) কাটি থোৱা ফল মূল বহু সময় ৰাখি থৈ
খাব লাগে।
(ঘ) আলুৰ চিপছ, শীতল
পানীয়, আইচক্ৰীম আদি আমাৰ শৰীৰৰ বাবে উপকাৰী।
(ঙ) দূষিত পানীয়ে শৰীৰত বেমাৰৰ সৃষ্টি
কৰে। ✔️
৩৷ শুদ্ধ উত্তৰ বাছি উলিয়াই লিখা—
(ক) কোনবিধ খোৱা বস্তুৰ পৰা আমি
প্ৰধানকৈ শক্তি পাওঁ
সেউজীয়া শাক-পাচলি/ মধুৰিআম/ভাত
উত্তৰ: ভাত
(খ) কি কৰিলে আমাৰ শৰীৰ সবল হয়
(খ) কি কৰিলে আমাৰ শৰীৰ সবল হয়
শুই থাকিলে/ বহি থাকিলে/ ব্যায়াম কৰিলে
উত্তৰ: ব্যায়াম কৰিলে।
(গ) কোনবিধ খোৱা বস্তুৱে আমাৰ শৰীৰটো
ডাঙৰ-দীঘল হোৱাত সহায় কৰে
শিলিখা/আমলখি/গাখীৰ
উত্তৰ: গাখীৰ।
(ঘ) কোনবিধ খোৱা বস্তুৱে আমাৰ শৰীৰটোক
বেমাৰৰ পৰা ৰক্ষা কৰে
মাংস/ ৰুটী/ কলডিল
উত্তৰ: কলডিল।
৪৷ আহাৰত খোৱা কি কি খাদ্য বস্তুৰ পৰা আমাৰ শৰীৰে
শক্তি পায়?
উত্তৰ: আহাৰ হিচাপে খোৱা ভাত, ৰুটী,
চিৰা, পিঠা, ঘিউ,
মাখন আদিৰ পৰা আমাৰ শৰীৰে শক্তি পায়।
৫৷ বিদ্যালয়ৰ বছৰেকীয়া খেল-ধেমালিত তোমালোকে কি কি
খেল খেলা লিখা?
উত্তৰ: বিদ্যালয়ৰ বছৰেকীয়া খেল-ধেমালিত আমি দৌৰ, ওখ
জাঁপ, দীঘল জাঁপ, সংগীত-চকী, মনোযোগ আকৰ্ষণ, ৰছী টনা আদি খেল খেলোঁ।
অতিৰিক্ত প্ৰয়োজনীয় প্ৰশ্নোত্তৰ
১৷ আমাৰ শৰীৰটো ডাঙৰ-দীঘল হোৱাত সহায় কৰা কেইবিধমান
খাদ্য-বস্তুৰ নাম লিখা।
উত্তৰ: আমাৰ শৰীৰটো ডাঙৰ-দীঘল হোৱাত সহায় কৰা
কেইবিধমান খাদ্য-বস্তু হ’ল— গাখীৰ, কণী,
মাছ-মাংস, উৰহী, ডাইল,
মটৰমাহ আদি।
২৷ আমাৰ শৰীৰটো বেমাৰ-আজাৰৰ পৰা ৰক্ষা কৰা কেইবিধমান
খাদ্য-বস্তুৰ নাম লিখা।
উত্তৰ: আমাৰ শৰীৰটো বেমাৰ-আজাৰৰ পৰা ৰক্ষা কৰা
কেইবিধমান খাদ্য-বস্তু হ’ল— আমলখি, গাজৰ,
কলডিল, সেউজীয়া শাক-পাচলি, মধুৰিআম, সুমথিৰা, শিলিখা আদি।
৩৷ আমাৰ প্ৰধান আহাৰ কি কি?
উত্তৰ: আমাৰ প্ৰধান আহাৰ হ’ল— ভাত, ডাইল, ৰুটী, গাখীৰ, কণী, মাছ-মাংস, সেউজীয়া শাক-পাচলি, বতৰৰ ফল-মূল আদি।
৪৷ আমি কেনে পানী খোৱা উচিত?
উত্তৰ: আমি পৰিষ্কাৰ আৰু শোধিত পানীহে খোৱা উচিত।
৫৷ দূষিত পানী খালে কি হয়?
উত্তৰ: দূষিত পানী খালে আমাৰ বেমাৰ-আজাৰ হয়।
৬৷ দূষিত পানী কেনেকৈ খোৱাৰ উপযোগী কৰিব পাৰোঁ?
উত্তৰ: দূষিত পানী খোৱাৰ উপযোগী কৰিবলৈ প্ৰথমে
পানীখিনি ছেকি তাত মিহলি হৈ থকা বেয়া বস্তুবোৰ আঁতৰ কৰিব লাগে। তাৰ পাছত উতলাই
বীজাণুমুক্ত কৰি খোৱাৰ উপযোগী কৰিব পাৰোঁ।
৭৷ মুকলিকৈ ৰখা খাদ্য-বস্তু কিয় খাব নালাগে?
উত্তৰ: মুকলিকৈ ৰখা খাদ্য-বস্তুত ধূলি-বালি, মাখি
আদি পৰিব পাৰে। সেয়ে মুকলিকৈ ৰখা খাদ্য-বস্তু খাব নালাগে।
৮৷ আমাৰ শৰীৰৰ বাবে অপকাৰী কিছুমান খাদ্য-বস্তুৰ নাম
লিখা।
উত্তৰ: পেকেটত থকা আলুৰ চিপ্ছ, শীতল
পানীয়, আইচক্ৰীম আদি জুতি লগা বস্তু আমাৰ শৰীৰৰ বাবে অপকাৰী।
৯৷ স্বাস্থ্য ভালে ৰাখিবলৈ আহাৰ খোৱাৰ উপৰি আৰু কি
কি নীতি-নিয়ম মানি চলিব লাগে?
উত্তৰ: স্বাস্থ্য ভালে ৰাখিবলৈ আহাৰ খোৱাৰ
উপৰি মানি চলিবলগীয়া আন নীতি-নিয়মবোৰ হ’ল—
ক) ৰাতিপুৱা শুই উঠি আৰু ৰাতি শোৱাৰ আগতে ভালদৰে দাঁত
মজা ।
খ) নখ, চুলি চুটিকৈ কটা।
গ) পৰিষ্কাৰ কাপোৰ পিন্ধা।
ঘ) য’তে-ত’তে
থু-খেকাৰ নেপেলোৱা।
ঙ) পৰিষ্কাৰ শৌচাগাৰ ব্যৱহাৰ কৰা।
চ) আহাৰ খোৱাৰ আগত আৰু শৌচাগাৰ ব্যৱহাৰ কৰাৰ পাছত
ভালদৰে চাবোনেৰে হাত ধোৱা আদি।
১০৷ নিয়মীয়াকৈ খেলা-ধূলা আৰু ব্যায়াম কৰিলে কি হয়?
উত্তৰ: নিয়মীয়াকৈ খেলা-ধূলা আৰু ব্যায়াম কৰিলে শৰীৰত
বেছিকৈ তেজ চলাচল কৰে আৰু শৰীৰ সবল হয়। শৰীৰৰ আলস্য বা জঠৰতা দূৰ হয়। ফলত আমাৰ
শৰীৰটো কাম কৰিবৰ বাবে সতেজ হৈ উঠে।
১১৷ আমাৰ শৰীৰটোক জিৰণিৰ কিয় প্ৰয়োজন?
উত্তৰ: শৰীৰটোক সতেজ কৰি ৰাখিবলৈ হ'লে
জিৰণি লোৱাটো অতি প্ৰয়োজন। জিৰণি ল'লে শৰীৰৰ প্ৰতিটো অংগ- প্ৰত্যংগই কাম কৰিবৰ বাবে সতেজ হৈ উঠে আৰু আমি নতুনকৈ কাম কৰিবলৈ শক্তি পাওঁ।
১২৷ খালী ঠাই পূৰ কৰা—
(ক) খোৱা আহাৰ পৰিষ্কাৰ হ’ব লাগে।
(খ) খোৱা বস্তু ভালদৰে ঢাকি ৰাখিব লাগে।
(গ) খোৱাৰ আগত ভালকৈ হাত ধুব লাগে।
(ঘ) ফল-মূল ধুই খাব লাগে।
(ঙ) মুকলিকৈ ৰখা খাদ্য খাব নালাগে।
যুগুতালে: বাব্লি দেৱীয়ে
