অনুশীলনীৰ প্ৰশ্ন-উত্তৰ
১৷
উত্তৰ লিখা
(ক) বায়ুত থকা প্ৰধান গেছবোৰ কি কি?
উত্তৰ:
বায়ুত থকা প্ৰধান গেছবোৰ হ’ল— অক্সিজেন, কাৰ্বন-ডাই-অক্সাইড,
নাইট্ৰ'জেন আদি।
(খ) বায়ু প্ৰদূষিত হোৱাৰ তিনিটা কাৰণ।
উত্তৰ:
বায়ু প্ৰদূষিত হোৱাৰ তিনিটা কাৰণ হ’ল—
(i) গেলা-পঁচা জাবৰ-জোঁথৰ, মৰা জীৱ-জন্তু আদিৰ পৰা
ওলোৱা দুৰ্গন্ধ বায়ুত মিহলি হোৱা।
(ii) কল-কাৰখানাৰ পৰা ওলোৱা ধোঁৱা বায়ুত মিহলি হোৱা।
(iii) অত্যাধিক পৰিমাণে গছ-গছনি কটা।
(গ) বায়ু প্ৰদূষিত নহ'বলৈ কি কি ব্যৱস্থা ল'ব পাৰি?
উত্তৰ:
বায়ু প্ৰদূষিত নহ'বলৈ ল'ব পৰা
ব্যৱস্থাসমূহ হ’ল—
(i) গছ-গছনি বেছিকৈ ৰোৱা।
(ii) মৰা জীৱ-জন্তু আদি মুকলিত নেপেলাই গাঁতত পুতি থোৱা।
(iii) ওচৰৰ ঠাইলৈ পৰাপক্ষত খোজকাঢ়ি বা চাইকেলেৰে অহা-যোৱা কৰা।
(iv) প্ৰদূষণ সৃষ্টি কৰা যন্ত্ৰ-পাতিৰ ব্যৱহাৰ কমকৈ কৰা।
(v) হাঁচি, কাহ মাৰোতে নাক মুখত ৰুমাল ব্যৱহাৰ কৰা।
(vi) ৰাসায়নিক কীটনাশকৰ সলনি জৈৱিক কীটনাশক ব্যৱহাৰ কৰা।
(vii) জাবৰ-জোঁথৰ পেলোৱা বাকচ ঢাকি ৰখা আৰু সঘনাই চাফা কৰা।
(ঘ) ৰোগৰ বীজাণু বায়ুমণ্ডললৈ কেনেকৈ বিয়পে?
উত্তৰ:
ৰোগীয়ে মুকলিকৈ হাঁচি, কাহ আদি মাৰিলে ৰোগৰ বীজাণু
বায়ুমণ্ডললৈ বিয়পে।
(ঙ) বায়ুত থকা কোনবিধ গেছ আমাৰ আটাইতকৈ প্ৰয়োজনীয়?
উত্তৰ:
বায়ুত থকা অক্সিজেন গেছ আমাৰ আটাইতকৈ প্ৰয়োজনীয়।
২৷ তলৰ শুদ্ধ বাক্যটোত '✔️' দিয়া। অশুদ্ধ বাক্যবোৰ শুদ্ধকৈ লিখা।
(ক) জাবৰ-জোঁথৰবোৰ য'তে-ত'তে পেলাব লাগে।
শুদ্ধ বাক্য:
জাবৰ-জোঁথৰবোৰ য'তে-ত'তে পেলাব নালাগে।
(খ) প্লাষ্টিকৰ বস্তু পচনসাৰৰ গাঁতত পেলাব লাগে।
শুদ্ধ বাক্য:
প্লাষ্টিকৰ বস্তু পচনসাৰৰ গাঁতত পেলাব নালাগে।
(গ) গছ-গছনি বেছিকৈ ৰুই বায়ু প্ৰদূষণ ৰোধ কৰিব পাৰি। ✔
(ঘ) কল-কাৰখানাৰ পৰা ওলোৱা ধোঁৱাই বায়ু প্ৰদূষিত কৰে। ✔
(ঙ) জাবৰ-জোঁথৰবোৰ পুৰিলে বায়ুত কাৰ্বন-ডাই-অক্সাইডৰ মাত্ৰা বাঢ়ে। ✔
৩৷ 'ক' অংশৰ লগত 'খ' অংশ মিলোৱা
ক
|
খ
|
|---|---|
গছ-গছনিয়ে
|
জুই জ্বলাত সহায় কৰে।
|
জাবৰ-জোঁথৰ পুৰিলে
|
প্ৰদূষণৰ বাবে হয়।
|
হাঁওফাঁৰ বিভিন্ন ৰোগ
|
বায়ুত ৰোগৰ বীজাণু বিয়পায়।
|
হাঁচি, কাহ আদিয়ে
|
বায়ু প্ৰদূষণমুক্ত কৰি ৰখাত সহায় কৰে।
|
অক্সিজেন গেছে
|
বায়ুত কাৰ্বন-ডাই-অক্সাইডৰ মাত্ৰা বৃদ্ধি পায়।
|
ক
|
খ
|
|---|---|
| গছ-গছনিয়ে | বায়ু প্ৰদূষণমুক্ত কৰি ৰখাত সহায় কৰে। |
| জাবৰ-জোঁথৰ পুৰিলে | বায়ুত কাৰ্বন-ডাই-অক্সাইডৰ মাত্ৰা বৃদ্ধি পায়। |
| হাঁওফাঁৰ বিভিন্ন ৰোগ | প্ৰদূষণৰ বাবে হয়। |
| হাঁচি, কাহ আদিয়ে | বায়ুত ৰোগৰ বীজাণু বিয়পায়। |
| অক্সিজেন গেছে | জুই জ্বলাত সহায় কৰে। |
৪৷
শুদ্ধকৈ লিখা:
(ক) ৰাসায়নিক কীটনাশক দ্ৰব্যই বায়ু প্ৰদূষণ কৰে/শোধন কৰে।
উত্তৰ:
ৰাসায়নিক কীটনাশক দ্ৰব্যই বায়ু প্ৰদূষণ কৰে।
(খ) গছৰ পৰি থকা পাত পুৰি/ পুতি পেলাব লাগে।
উত্তৰ:
গছৰ পৰি থকা পাত পুতি পেলাব লাগে।
(গ) বায়ুত থকা অক্সিজেন/ কাৰ্বন-ডাই-অক্সাইড উশাহ লোৱাত ব্যৱহাৰ হয়।
উত্তৰ:
বায়ুত থকা অক্সিজেন উশাহ লোৱাত ব্যৱহাৰ হয়।
(ঘ) গছ-গছনি কটাৰ ফলত বায়ু প্ৰদূষণ ৰোধ/ বৃদ্ধি হয়।
উত্তৰ:
গছ-গছনি কটাৰ ফলত বায়ু প্ৰদূষণ বৃদ্ধি হয়।
(ঙ) বায়ুত থকা কাৰ্বন-ডাই-অক্সাইডে জুই জ্বলাত/ নুমুৱাত সহায় কৰে।
উত্তৰ:
বায়ুত থকা কাৰ্বন-ডাই-অক্সাইডে জুই নুমুৱাত সহায় কৰে।
অতিৰিক্ত প্ৰয়োজনীয় প্ৰশ্ন-উত্তৰ
১৷
দুবিধ প্ৰ'টিন থকা খাদ্যৰ নাম লিখা।
উত্তৰ
: দুবিধ প্ৰ'টিন থকা খাদ্য হ’ল - ছয়াবিন আৰু মচুৰ ডাইল।
২৷
বায়ু প্ৰদূষিত হ'লে আমাৰ কি কি অসুবিধা হ'ব
পাৰে?
উত্তৰ:
বায়ু প্ৰদূষণৰ ফলত আমাৰ এলাৰ্জি, হাপানি, চৰ্দি,
হাওঁ-ফাওঁৰ ৰোগকে ধৰি বিভিন্ন ধৰণৰ ৰোগ হ'ব পাৰে। বায়ু প্ৰদূষণে উদ্ভিদ আৰু আন প্ৰাণীৰো ক্ষতি কৰে। বায়ু
প্ৰদূষণৰ ফলতে পৃথিৱীত গৰমৰ মাত্ৰা দিনক দিনে বাঢ়ি গৈছে।
৩৷
জুই জ্বলাবলৈ কি গেছ লাগে?
উত্তৰ:
জুই জ্বলাবলৈ অক্সিজেন গেছ লাগে।
৪৷
পৰ্বতাৰোহীয়ে পৰ্বতাৰোহণলৈ যাওঁতে কি গেছৰ চিলিণ্ডাৰ লগত লৈ যায়?
উত্তৰ:
পৰ্বতাৰোহীয়ে পৰ্বতাৰোহণলৈ যাওঁতে অক্সিজেন গেছৰ চিলিণ্ডাৰ লগত লৈ যায়।
৫৷
প্ৰাণীয়ে উশাহত কি গেছ গ্ৰহণ কৰে আৰু নিশাহত কি গেছ এৰি দিয়ে?
উত্তৰ:
প্ৰাণীয়ে উশাহত অক্সিজেন গেছ গ্ৰহণ কৰে আৰু নিশাহত কাৰ্বন-ডাই-অক্সাইড গেছ এৰি
দিয়ে।
৬৷
উদ্ভিদে প্ৰ'টিন তৈয়াৰ কৰোঁতে বায়ুত থকা কি গেছ ব্যৱহাৰ কৰে?
উত্তৰ:
উদ্ভিদে প্ৰ'টিন তৈয়াৰ কৰোঁতে বায়ুত থকা নাইট্ৰ'জেন গেছ ব্যৱহাৰ কৰে।
৭৷
বায়ুত কাৰ্বন-ডাই-অক্সাইডৰ পৰিমাণ কেনেকৈ বাঢ়ে?
উত্তৰ:
গছ-গছনি কটাৰ ফলত, খৰি, জাবৰ-জোঁথৰ,
গছৰ পাত, প্লাষ্টিক আদি পুৰিলে, চিগাৰেট হুপিলে, হাবি-বনত জুই লাগিলে আৰু
কল-কাৰখানাৰ পৰা ওলোৱা ধোঁৱাৰ ফলত বায়ুত কাৰ্বন-ডাই-অক্সাইডৰ পৰিমাণ বাঢ়ে।
৮৷ 'বিশ্ব পৰিৱেশ দিৱস' কিয় পালন কৰা হয়?
উত্তৰ:
পৰিৱেশ সম্পৰ্কীয় সজাগতা সৃষ্টি কৰিবলৈ প্ৰতি বছৰে ৫ জুন তাৰিখে 'বিশ্ব পৰিৱেশ দিৱস' পালন কৰা হয়।
৯৷
খালী ঠাই পূৰ কৰা—
(ক) ছ'ডাপানী প্ৰস্তুত কৰোঁতে ব্যৱহাৰ কৰা হয়।
(খ) ৰাসায়নিক সাৰ প্ৰস্তুত কৰাত ব্যৱহাৰ কৰা হয়।
(গ) সাগৰৰ তললৈ যাওঁতে ডুবাৰুসকলে ৰ চিলিণ্ডাৰ লগত লৈ যায়।
(ঘ) বায়ুমণ্ডলত গেছৰ পৰিমাণ বাঢ়ি গ'লে বায়ু প্ৰদূষিত হয়।
(ঙ) তাৰিখে 'বিশ্ব পৰিৱেশ দিৱস' পালন কৰা হয়।
উত্তৰ:
(ক) ছ'ডাপানী প্ৰস্তুত কৰোঁতে কাৰ্বন-ডাই-অক্সাইড গেছ ব্যৱহাৰ কৰা হয়।
(খ) নাইট্ৰ'জেন গেছ ৰাসায়নিক সাৰ প্ৰস্তুত কৰাত ব্যৱহাৰ কৰা হয়।
(গ) সাগৰৰ তললৈ যাওঁতে ডুবাৰুসকলে অক্সিজেন গেছ ৰ চিলিণ্ডাৰ লগত লৈ যায়।
(ঘ) বায়ুমণ্ডলত কাৰ্বন-ডাই-অক্সাইড গেছৰ পৰিমাণ বাঢ়ি গ'লে বায়ু প্ৰদূষিত হয়।
(ঙ) ৫ জুন তাৰিখে 'বিশ্ব পৰিৱেশ দিৱস' পালন কৰা হয়।
১০৷
শুদ্ধটোত '✔' চিন আৰু অশুদ্ধটোত '❌' চিন দিয়া।
(ক) বায়ু আমি দেখা পাওঁ। ❌
(খ) বায়ু নহ'লে আমি জীয়াই থাকিব নোৱাৰোঁ।✔
(গ) জুই নুমুৱাবলৈ অক্সিজেন গেছ ব্যৱহাৰ কৰে।❌
(ঘ) বায়ুত জলীয় বাষ্প আৰু ধূলিকণা মিহলি হৈ থাকে।✔
(ঙ) বায়ুত থকা কাৰ্বন-ডাই-অক্সাইড গেছে চূণপানী বগা কৰে।✔
যুগুতালে: বাব্লি দেৱীয়ে
