আন্তৰ্জাতিক সংস্থা— ৰাষ্ট্ৰসংঘ আৰু অন্যান্য, সমাজ বি‍জ্ঞান (দশম শ্ৰেণী)— অতি চমু প্ৰশ্নোত্তৰ

১৷ জাতিসংঘ কেতিয়া গঠন হৈছিল?

উত্তৰ: ১৯২০ চনত জাতিসংঘ গঠন কৰা হৈছিল৷

২৷ প্ৰথম বিশ্বযুদ্ধ কেতিয়া সংঘটিত হৈছিল?

উত্তৰ: ১৯১৪ চনত প্ৰথম বিশ্বযুদ্ধ সংঘটিত হৈছিল৷

৩৷ দ্বিতীয় বিশ্বযুদ্ধ কেতিয়া সংঘটিত হৈছিল?

উত্তৰ: ১৯৩৯ চনত দ্বিতীয় বিশ্বযুদ্ধ সংঘটিত হৈছিল৷

৪৷ ৰাষ্ট্ৰসংঘ কিয় গঠন কৰা হৈছিল?

উত্তৰ: বিবদমান বিষয়সমূহৰ শান্তিপূৰ্ণ সমাধানৰ জৰিয়তে আন্তঃৰাষ্ট্ৰীয় শান্তি আৰু শৃংখলা প্ৰতিষ্ঠা কৰাৰ উদ্দেশ্যে ৰাষ্ট্ৰসংঘ গঠন কৰা হৈছিল৷

৫৷ ৰাষ্ট্ৰসংঘ কেতিয়া গঠন কৰা হৈছিল?

উত্তৰ: ১৯৪৫ চনৰ ২৪ অক্টোবৰৰ দিনা ৰাষ্ট্ৰসংঘ গঠন কৰা হৈছিল৷

৬৷ ‘ৰাষ্ট্ৰসংঘ দিৱস’ কেতিয়া পালন কৰা হয়?

উত্তৰ: ২৪ অক্টোবৰৰ দিনটো ‘ৰাষ্ট্ৰসংঘ দিৱস’ হিচাপে পালন কৰা হয়৷

৭৷ কোনখন সন্মিলনত ৰাষ্ট্ৰসংঘৰ জন্ম হৈছিল?

উত্তৰ: ১৯৪৫ চনত হোৱা ছানফ্ৰান্সিক’ সন্মিলনত ৰাষ্ট্ৰসংঘৰ জন্ম হৈছিল৷

৮৷ ছানফ্ৰান্সিস্ক’ সন্মিলনত কিমানখন ৰাষ্ট্ৰই স্বাক্ষৰ কৰি ৰাষ্ট্ৰসংঘ গঠন কৰিছিল?

উত্তৰ: ছানফ্ৰান্সিস্ক’ সন্মিলনত ৫১খন ৰাষ্ট্ৰই স্বাক্ষৰ কৰি ৰাষ্ট্ৰসংঘ গঠন কৰিছিল৷

৯৷ ৰাষ্ট্ৰসংঘৰ বৰ্তমান সদস্যৰাষ্ট্ৰৰ সংখ্যা কিমান?

উত্তৰ: ৰাষ্ট্ৰসংঘৰ বৰ্তমান সদস্যৰাষ্ট্ৰৰ সংখ্যা ১৯৩৷

১০৷ ৰাষ্ট্ৰসংঘৰ মুখ্য কাৰ্যালয় ক’ত অৱস্থিত?

উত্তৰ: ৰাষ্ট্ৰসংঘৰ মুখ্য কাৰ্যালয় আমেৰিকা যুক্তৰাষ্ট্ৰৰ নিউয়ৰ্ক চহৰত অৱস্থিত৷

১১৷ ৰাষ্ট্ৰসংঘৰ চনদত কেইটা অনুচ্ছেদ আছে?

উত্তৰ: ৰাষ্ট্ৰসংঘৰ চনদত ১১১ টা অনুচ্ছেদ আছে৷

১২৷ ৰাষ্ট্ৰসংঘৰ যিকোনো এটা উদ্দেশ্য লিখা৷

উত্তৰ: ৰাষ্ট্ৰসংঘৰ এটা উদ্দেশ্য হ’ল— আন্তঃৰাষ্ট্ৰীয় শান্তি আৰু নিৰাপত্তা বজাই ৰখা৷

১৩৷ ৰাষ্ট্ৰসংঘৰ এটা নীতি উল্লেখ কৰা৷

উত্তৰ: ৰাষ্ট্ৰসংঘৰ এটা নীতি হ’ল— সকলো সদস্যৰাষ্ট্ৰৰ সমান সাৰ্বভৌম নীতিৰ ভিত্তিত ইয়াৰ প্ৰতিষ্ঠা৷

১৪৷ ৰাষ্ট্ৰসংঘ কেইটা প্ৰধান অংগৰে গঠিত?

উত্তৰ: ৰাষ্ট্ৰসংঘ ৬ টা প্ৰধান অংগৰে গঠিত৷

১৫৷ ৰাষ্ট্ৰসংঘৰ বৃহত্তম অংগ কোনটো?

উত্তৰ: ৰাষ্ট্ৰসংঘৰ বৃহত্তম অংগটো হৈছে— ৰাষ্ট্ৰসংঘৰ সাধাৰণ সভা৷

১৬৷ প্ৰতিখন ৰাষ্ট্ৰৰ পৰা ৰাষ্ট্ৰসংঘৰ সাধাৰণ সভালৈ কিমানজন প্ৰতিনিধি প্ৰেৰণ কৰিব পাৰে?

উত্তৰ: প্ৰতিখন ৰাষ্ট্ৰৰ পৰা ৰাষ্ট্ৰসংঘৰ সাধাৰণ সভালৈ পাঁচজন প্ৰতিনিধি প্ৰেৰণ কৰিব পাৰে৷

১৭৷ ৰাষ্ট্ৰসংঘৰ সাধাৰণ সভাত প্ৰতিখন সদস্য ৰাষ্ট্ৰই কেইটা ভোট প্ৰদান কৰিব পাৰে?

উত্তৰ: ৰাষ্ট্ৰসংঘৰ সাধাৰণ সভাত প্ৰতিখন সদস্য ৰাষ্ট্ৰই এটাকৈ ভোট প্ৰদান কৰিব পাৰে৷

১৮৷ ৰাষ্ট্ৰসংঘৰ সাধাৰণ সভাৰ অধিৱেশন কিমান দিনৰ মূৰে মূৰে অনুষ্ঠিত হয়?

উত্তৰ: ৰাষ্ট্ৰসংঘৰ সাধাৰণ সভাৰ অধিৱেশন প্ৰতি এবছৰৰ মূৰে মূৰে অনুষ্ঠিত হয়৷

১৯৷ ৰাষ্ট্ৰসংঘ গঠন হোৱা সময়ত নিৰাপত্তা পৰিষদৰ স্থায়ী সদস্য সংখ্যা কিমান আছিল?

উত্তৰ: ৰাষ্ট্ৰসংঘ গঠন হোৱা সময়ত নিৰাপত্তা পৰিষদৰ স্থায়ী সদস্য সংখ্যা আছিল ৫জন৷

২০৷ ৰাষ্ট্ৰসংঘ গঠন হোৱা সময়ত নিৰাপত্তা পৰিষদৰ অস্থায়ী সদস্য সংখ্যা কিমান আছিল?

উত্তৰ: ৰাষ্ট্ৰসংঘ গঠন হোৱা সময়ত নিৰাপত্তা পৰিষদৰ অস্থায়ী সদস্য সংখ্যা আছিল ৬জন৷

২১৷ কেতিয়া আৰু কিমান নং অনুচ্ছেদৰ সংশোধন কৰি ৰাষ্ট্ৰসংঘৰ নিৰাপত্তা পৰিষদৰ অস্থায়ী সদস্যৰ সংখ্যা ১০ জনলৈ বৃদ্ধি কৰা হয়?

উত্তৰ: ১৯৬৩ চনত ৰাষ্ট্ৰসংঘৰ চনদৰ ২৩ নং অনুচ্ছেদৰ সংশোধন কৰি ৰাষ্ট্ৰসংঘৰ নিৰাপত্তা পৰিষদৰ অস্থায়ী সদস্যৰ সংখ্যা ১০ জনলৈ বৃদ্ধি কৰা হয়৷

২২৷ বৰ্তমান ৰাষ্ট্ৰসংঘৰ নিৰাপত্তা পৰিষদৰ সদস্যৰ সংখ্যা কিমান?

উত্তৰ: বৰ্তমান ৰাষ্ট্ৰসংঘৰ নিৰাপত্তা পৰিষদৰ সদস্যৰ সংখ্যা ১৫৷

২৩৷ ৰাষ্ট্ৰসংঘৰ নিৰাপত্তা পৰিষদৰ অস্থায়ী সদস্যসকলক কোনে নিৰ্বাচিত কৰে?

উত্তৰ: ৰাষ্ট্ৰসংঘৰ নিৰাপত্তা পৰিষদৰ অস্থায়ী সদস্যসকলক সাধাৰণ সভাই নিৰ্বাচিত কৰে৷

২৪৷ নিৰাপত্তা পৰিষদৰ গুৰুত্বপূৰ্ণ বিষয়ত সিদ্ধান্ত গ্ৰহণৰ বাবে মুঠ কেইজন সদস্যৰ সন্মতি থাকিব লাগে?

উত্তৰ: নিৰাপত্তা পৰিষদৰ গুৰুত্বপূৰ্ণ বিষয়ত সিদ্ধান্ত গ্ৰহণৰ বাবে মুঠ ৯ জন সদস্যৰ সন্মতি থাকিব লাগে৷

২৫৷ নিৰাপত্তা পৰিষদৰ গুৰুত্বপূৰ্ণ বিষয়ত সিদ্ধান্ত গ্ৰহণৰ বাবে মুঠ কেইজন স্থায়ী সদস্যৰ সন্মতি থাকিব লাগে?

উত্তৰ: নিৰাপত্তা পৰিষদৰ গুৰুত্বপূৰ্ণ বিষয়ত সিদ্ধান্ত গ্ৰহণৰ বাবে মুঠ ৫ জন স্থায়ী সদস্যৰ সন্মতি থাকিব লাগে৷

২৬৷ নিৰাপত্তা পৰিষদৰ কোনবিলাক সদস্যৰ ‘ভেটো’ প্ৰদানৰ ক্ষমতা আছে?

উত্তৰ: নিৰাপত্তা পৰিষদৰ স্থায়ী সদস্যসকলৰ ‘ভেটো’ প্ৰদানৰ ক্ষমতা আছে৷

২৭৷ ৰাষ্ট্ৰসংঘৰ নিৰাপত্তা পৰিষদৰ স্থায়ী সদস্যৰাষ্ট্ৰ কেইখন আছে?

উত্তৰ: ৰাষ্ট্ৰসংঘৰ নিৰাপত্তা পৰিষদৰ স্থায়ী সদস্যৰাষ্ট্ৰ ৫ খন৷

২৮৷ ৰাষ্ট্ৰসংঘ গঠিত হোৱা সময়ত ইয়াৰ অৰ্থনৈতিক আৰু সামাজিক পৰিষদৰ সদস্য সংখ্যা কিমান আছিল?

উত্তৰ: ৰাষ্ট্ৰসংঘ গঠিত হোৱা সময়ত ইয়াৰ অৰ্থনৈতিক আৰু সামাজিক পৰিষদৰ সদস্য সংখ্যা আছিল ১৮৷

২৯৷ ৰাষ্ট্ৰসংঘৰ অৰ্থনৈতিক আৰু সামাজিক পৰিষদৰ সদস্য সংখ্যা কেতিয়া ২৭ জনলৈ বৃদ্ধি কৰা হয়?

উত্তৰ: ১৯৬৫ চনত ৰাষ্ট্ৰসংঘৰ অৰ্থনৈতিক আৰু সামাজিক পৰিষদৰ সদস্য সংখ্যা ২৭ জনলৈ বৃদ্ধি কৰা হয়৷

৩০৷ ৰাষ্ট্ৰসংঘৰ অৰ্থনৈতিক আৰু সামাজিক পৰিষদৰ সদস্য সংখ্যা কেতিয়া ৫৮ জনলৈ বৃদ্ধি কৰা হয়?

উত্তৰ: ১৯৭৩ চনত ৰাষ্ট্ৰসংঘৰ অৰ্থনৈতিক আৰু সামাজিক পৰিষদৰ সদস্য সংখ্যা ৫৮ জনলৈ বৃদ্ধি কৰা হয়৷

৩১৷ ৰাষ্ট্ৰসংঘৰ অৰ্থনৈতিক আৰু সামাজিক পৰিষদৰ একোজন সদস্যৰ কাৰ্যকাল কিমান বছৰ?

উত্তৰ: ৰাষ্ট্ৰসংঘৰ অৰ্থনৈতিক আৰু সামাজিক পৰিষদৰ একোজন সদস্যৰ কাৰ্যকাল ৩ বছৰ৷

৩২৷ ৰাষ্ট্ৰসংঘৰ অৰ্থনৈতিক আৰু সামাজিক পৰিষদৰ সদস্যসকলক কোনে নিৰ্বাচন কৰে?

উত্তৰ: ৰাষ্ট্ৰসংঘৰ অৰ্থনৈতিক আৰু সামাজিক পৰিষদৰ সদস্যসকলক সাধাৰণ সভাই নিৰ্বাচন কৰে৷

৩৩৷ ৰাষ্ট্ৰসংঘৰ চনদৰ কোন অনুচ্ছেদ অনুসৰি অৰ্থনৈতিক আৰু সামাজিক পৰিষদ গঠন কৰা হৈছে?

উত্তৰ: ৰাষ্ট্ৰসংঘৰ চনদৰ ৫৫ নং অনুচ্ছেদ অনুসৰি অৰ্থনৈতিক আৰু সামাজিক পৰিষদ গঠন কৰা হৈছে৷

৩৪৷ ৰাষ্ট্ৰসংঘৰ চনদৰ কোন অনুচ্ছেদ অনুসৰি ন্যাসৰক্ষী পৰিষদ গঠন কৰা হৈছে?

উত্তৰ: ৰাষ্ট্ৰসংঘৰ চনদৰ ৭৬ নং অনুচ্ছেদ অনুসৰি ন্যাসৰক্ষী পৰিষদ গঠন কৰা হৈছে৷

৩৫৷ ন্যাসৰক্ষী পৰিষদৰ মুখ্য উদ্দেশ্য কি?

বা

ন্যাসৰক্ষী পৰিষদ কিয় গঠন কৰা হৈছিল?

উত্তৰ: ন্যাসৰক্ষী পৰিষদৰ মুখ্য উদ্দেশ্য হ’ল—এই পৰিষদৰ অন্তৰ্গত দেশবিলাকৰ জনসাধাৰণক অৰ্থনৈতিক, ৰাজনৈতিক, সামাজিক আৰু শি‍ক্ষাৰ ক্ষেত্ৰত আগবঢ়াই স্বাধীনতা লাভৰ বাবে উপযুক্ত কৰি তোলা৷

৩৬৷ ন্যাসৰক্ষী পৰিষদ কেই ধৰণৰ সদস্যৰে গঠিত?

উত্তৰ: ন্যাসৰক্ষী পৰিষদ তিনি ধৰণৰ সদস্যৰে গঠিত৷

৩৭৷ ৰাষ্ট্ৰসংঘৰ ন্যায়িক অংগটো কি?

উত্তৰ: ৰাষ্ট্ৰসংঘৰ ন্যায়িক অংগটো হ’ল— আন্তৰ্জাতিক ন্যায়ালয়৷

৩৮৷ ৰাষ্ট্ৰসংঘৰ আন্তৰ্জাতিক ন্যায়ালয় কেইজন ন্যায়্যধীশৰ দ্বাৰা গঠিত?

উত্তৰ: ৰাষ্ট্ৰসংঘৰ আন্তৰ্জাতিক ন্যায়ালয় ১৫ জন ন্যায়্যধীশৰ দ্বাৰা গঠিত৷

৩৯৷ ৰাষ্ট্ৰসংঘৰ আন্তৰ্জাতিক ন্যায়ালয়ৰ সদস্য সংখ্যা কিমান?

উত্তৰ: ৰাষ্ট্ৰসংঘৰ আন্তৰ্জাতিক ন্যায়ালয়ৰ সদস্য সংখ্যা ১৯৩৷

৪০৷ ৰাষ্ট্ৰসংঘৰ আন্তৰ্জাতিক ন্যায়ালয়ৰ প্ৰধান কাম কি?

উত্তৰ: ৰাষ্ট্ৰসংঘৰ আন্তৰ্জাতিক ন্যায়ালয়ৰ প্ৰধান কাম হ’ল—ৰাষ্ট্ৰসমূহে উত্থাপন কৰা গোচৰসমূহ নিষ্পত্তি কৰা৷

৪১৷ ৰাষ্ট্ৰসংঘৰ সকলো সিদ্ধান্ত ইয়াৰ কোনটো অংগই ৰূপায়িত কৰে?

উত্তৰ: ৰাষ্ট্ৰসংঘৰ সকলো সিদ্ধান্ত ইয়াৰ সচিবালয়ে ৰূপায়িত কৰে৷

৪২৷ ৰাষ্ট্ৰসংঘৰ চনদৰ কোন অনুচ্ছেদ অনুসৰি সচিবালয়ৰ সচিবপ্ৰধানক নিয়োগ কৰা হয়?

উত্তৰ: ৰাষ্ট্ৰসংঘৰ চনদৰ ৯৭ নং অনুচ্ছেদ অনুসৰি সচিবালয়ৰ সচিবপ্ৰধানক নিয়োগ কৰা হয়৷

৪৩৷ ৰাষ্ট্ৰসংঘৰ সচিবালয়ৰ সচিবপ্ৰধানক কোনে নিয়োগ কৰে?

উত্তৰ: ৰাষ্ট্ৰসংঘৰ সাধাৰণ সভাই নিৰাপত্তা পৰিষদৰ অনুমোদনক্ৰমে সচিবালয়ৰ সচিবপ্ৰধানক নিয়োগ কৰে৷

৪৪৷ ৰাষ্ট্ৰসংঘৰ সচিবালয়ৰ সচিবপ্ৰধানৰ কাৰ্যকাল কেই বছৰ?

উত্তৰ: ৰাষ্ট্ৰসংঘৰ সচিবালয়ৰ সচিবপ্ৰধানৰ কাৰ্যকাল ৫ বছৰ৷

৪৫৷ ৰাষ্ট্ৰসংঘৰ প্ৰথম সচিবপ্ৰধান কোন আছিল?

উত্তৰ: ৰাষ্ট্ৰসংঘৰ প্ৰথম সচিবপ্ৰধান আছিল— নৰৱে’ৰ ট্ৰাইভহাল্ডান লী৷

৪৬৷ ৰাষ্ট্ৰসংঘৰ বৰ্তমান সচিবপ্ৰধান কোন?

উত্তৰ: ৰাষ্ট্ৰসংঘৰ বৰ্তমান সচিবপ্ৰধান হ’ল—পৰ্টুগালৰ এণ্টনিঅ’ গুটেৰেছ৷

৪৭৷ ILO-ৰ সম্পূৰ্ণ নাম লিখা৷

উত্তৰ: ILO-ৰ সম্পূৰ্ণ নাম হ’ল—আন্তঃৰাষ্ট্ৰীয় শ্ৰমিক সংঘ (Internatioinal Labour Organisation)৷

৪৮৷ WHO-ৰ সম্পূৰ্ণ নাম লিখা৷

উত্তৰ: WHO-ৰ সম্পূৰ্ণ নাম হ’ল—বিশ্ব স্বাস্থ্য সংস্থা (World Health Organisation)৷

৪৯৷ UNDP-ৰ সম্পূৰ্ণ নাম লিখা৷

উত্তৰ: UNDP-ৰ সম্পূৰ্ণ নাম হ’ল— ৰাষ্ট্ৰসংঘৰ উন্নয়ন আঁচনি‍ (United Nations Development Programme)৷

৫০৷ UNHRC-ৰ সম্পূৰ্ণ নাম লিখা৷

উত্তৰ: UNHRC-ৰ সম্পূৰ্ণ নাম হ’ল—ৰাষ্ট্ৰসংঘৰ মানৱ অধিকাৰ আয়োগ (United Nations Human Rights Commission)৷

৫১৷ UNICEF-ৰ সম্পূৰ্ণ নাম লিখা৷

উত্তৰ: UNICEF-ৰ সম্পূৰ্ণ নাম হ’ল—ৰাষ্ট্ৰসংঘৰ শিশু পুঁজি (United Nations International Children’s Emergency)৷ ‍

৫২৷ UNESCO-ৰ সম্পূৰ্ণ নাম লিখা৷

উত্তৰ: UNESCO-ৰ সম্পূৰ্ণ নাম হ’ল—ৰাষ্ট্ৰসংঘৰ শি‍ক্ষা, বি‍জ্ঞান আৰু সাংস্কৃতিক সংগঠন (United Nations Educational, Scientific and Cultural Organisation)৷

৫৩৷ IMF-ৰ সম্পূৰ্ণ নাম লিখা৷

উত্তৰ: IMF-ৰ সম্পূৰ্ণ নাম হ’ল—আন্তঃৰাষ্ট্ৰীয় মুদ্ৰা নিধি‍(International Money Fund)৷

৫৪৷ FAO-ৰ সম্পূৰ্ণ নাম লিখা৷

উত্তৰ: FAO-ৰ সম্পূৰ্ণ নাম হ’ল—খাদ্য আৰু কৃষি সংগঠন (Food and Agriculture Organisation)৷

৫৫৷ ৰাষ্ট্ৰসংঘ কিমান বছৰৰ পূৰ্বে গঠন হৈছিল?

উত্তৰ: ৭৫ বছৰৰ পূৰ্বে ৰাষ্ট্ৰসংঘ গঠন হৈছিল৷

৫৬৷ কোন দেশে ৰাষ্ট্ৰসংঘৰ স্থিতিত কিছু জোকাৰণিৰ সৃষ্টি কৰিছে?

উত্তৰ: আমেৰিকা যুক্তৰাষ্ট্ৰই ৰাষ্ট্ৰসংঘৰ স্থিতিত কিছু জোকাৰণিৰ সৃষ্টি কৰিছে৷

৫৭৷ ৰাষ্ট্ৰসংঘৰ ‘নিৰস্ত্ৰীকৰণ আয়োগ’ (Disarmament Commission) কেতিয়া গঠন কৰা হৈছিল?

উত্তৰ: ১৯৫২ চনৰ জানুৱাৰি মাহত ৰাষ্ট্ৰসংঘৰ ‘নিৰস্ত্ৰীকৰণ আয়োগ’ (Disarmament Commission) গঠন কৰা হৈছিল৷

৫৮৷ ৰাষ্ট্ৰসংঘই ‘আংশিকভাৱে আণৱিক অস্ত্ৰ বিস্ফোৰণ নিষিদ্ধ চুক্তি’ (Partial Nuclear Test Ban Treaty) কেতিয়া স্বাক্ষৰ কৰিছিল?

উত্তৰ: ১৯৬৩ চনত ৰাষ্ট্ৰসংঘই ‘আংশিকভাৱে আণৱিক অস্ত্ৰ বিস্ফোৰণ নিষিদ্ধ চুক্তি’ (Partial Nuclear Test Ban Treaty) স্বাক্ষৰ কৰিছিল৷

৫৯৷ ৰাষ্ট্ৰসংঘই ‘বহিঃ মহাকাশ চুক্তি’ (Outer Space Treaty) কেতিয়া স্বাক্ষৰ কৰিছিল?

উত্তৰ: ১৯৬৭ চনত ৰাষ্ট্ৰসংঘই ‘বহিঃ মহাকাশ চুক্তি’ (Outer Space Treaty) স্বাক্ষৰ কৰিছিল৷

৬০৷ ৰাষ্ট্ৰসংঘই ‘পাৰমাণৱিক অস্ত্ৰ সংকোচন চুক্তি’ (Nuclear Non-proliferation Treaty) কেতিয়া স্বাক্ষৰ কৰিছিল?

উত্তৰ: ১৯৬৮ চনত ৰাষ্ট্ৰসংঘই ‘পাৰমাণৱিক অস্ত্ৰ সংকোচন চুক্তি’ (Nuclear Non-proliferation Treaty) স্বাক্ষৰ কৰিছিল৷

৬১৷ ৰাষ্ট্ৰসংঘই ‘সমুদ্ৰতলি নিয়ন্ত্ৰণ চুক্তি’ (Seabed Control Treaty) কেতিয়া স্বাক্ষৰ কৰিছিল?

উত্তৰ: ১৯৭১ চনত ৰাষ্ট্ৰসংঘই ‘সমুদ্ৰতলি নিয়ন্ত্ৰণ চুক্তি’ (Seabed Control Treaty) স্বাক্ষৰ কৰিছিল৷

৬২৷ ৰাষ্ট্ৰসংঘই ‘SALT—1’ (Strategic Arms Limitation Treaty—1) কেতিয়া স্বাক্ষৰ কৰিছিল?

উত্তৰ: ১৯৭২ চনত ৰাষ্ট্ৰসংঘই ‘SALT—1’ (Strategic Arms Limitation Treaty—1) স্বাক্ষৰ কৰিছিল৷

৬৩৷ ৰাষ্ট্ৰসংঘই ‘SALT—2’ (Strategic Arms Limitation Treaty—2)  কেতিয়া স্বাক্ষৰ কৰিছিল?

উত্তৰ: ১৯৭৯ চনত ৰাষ্ট্ৰসংঘই ‘SALT—2’ (Strategic Arms Limitation Treaty—2)  স্বাক্ষৰ কৰিছিল৷

৬৪৷ ৰাষ্ট্ৰসংঘই ‘পাৰমাণৱিক অস্ত্ৰ নিয়ন্ত্ৰণ চুক্তি’ (Nuclear Arms Control Treaty) কেতিয়া স্বাক্ষৰ কৰিছিল?

উত্তৰ: ১৯৯৩ চনত ৰাষ্ট্ৰসংঘই ‘পাৰমাণৱিক অস্ত্ৰ নিয়ন্ত্ৰণ চুক্তি’ (Nuclear Arms Control Treaty) স্বাক্ষৰ কৰিছিল৷

৬৫৷ ৰাষ্ট্ৰসংঘই ‘START—1’ (Strategic Arms Reduction Treaty—1) কেতিয়া স্বাক্ষৰ কৰিছিল?

উত্তৰ: ১৯৯১ চনত ৰাষ্ট্ৰসংঘই ‘START—1’ (Strategic Arms Reduction Treaty—1) স্বাক্ষৰ কৰিছিল৷

৬৬৷ ৰাষ্ট্ৰসংঘই ‘START—2’ (Strategic Arms Reduction Treaty—2) কেতিয়া স্বাক্ষৰ কৰিছিল?

উত্তৰ: ১৯৯৩ চনত ৰাষ্ট্ৰসংঘই ‘START—2’ (Strategic Arms Reduction Treaty—2) স্বাক্ষৰ কৰিছিল৷

৬৭৷ ‘পাৰমাণৱিক অস্ত্ৰ পৰীক্ষা নিষিদ্ধকৰণ চুক্তি’ (Comprehensive Test Ban Treaty, CTBT) কেইখন ৰাষ্ট্ৰৰ দ্বাৰা স্বাক্ষৰিত হৈছিল?

উত্তৰ: ‘পাৰমাণৱিক অস্ত্ৰ পৰীক্ষা নিষিদ্ধকৰণ চুক্তি’ (Comprehensive Test Ban Treaty, CTBT) ১৫৮ খন ৰাষ্ট্ৰৰ দ্বাৰা স্বাক্ষৰিত হৈছিল৷

৬৮৷ ৰাষ্ট্ৰসংঘই কেতিয়া ‘প্ৰতিৰোধমূলক কূটনীতি’ (Preventive Diplomacy) গ্ৰহণ কৰিছিল?

উত্তৰ: ৰাষ্ট্ৰসংঘই ২০০৭ চনৰ জুন মাহত ‘প্ৰতিৰোধমূলক কূটনীতি’ (Preventive Diplomacy) গ্ৰহণ কৰিছিল৷

৬৯৷ ৰাষ্ট্ৰসংঘৰ মানৱ অধিকাৰ আয়োগ কেতিয়া গঠন কৰা হৈছিল?

উত্তৰ: ১৯৪৬ চনৰ ১৬ ফেব্ৰুৱাৰিত ৰাষ্ট্ৰসংঘৰ মানৱ অধিকাৰ আয়োগ গঠন কৰা হৈছিল৷

৭০৷ ৰাষ্ট্ৰসংঘৰ মানৱ অধিকাৰ আয়োগ গঠনৰ উদ্দে‍শ্য কি?

বা

ৰাষ্ট্ৰসংঘৰ মানৱ অধিকাৰ আয়োগ কিয় গঠন কৰা হৈছিল?

উত্তৰ: ৰাষ্ট্ৰসংঘৰ মানৱ অধিকাৰ আয়োগ গঠনৰ উদ্দে‍শ্য হ’ল— বিশ্বৰ প্ৰত্যেকজন ব্যক্তিয়ে মৰ্যাদাপূৰ্ণ জীৱন যাপনৰ বাবে প্ৰয়োজন হোৱা অধিকাৰসমূহক সুৰক্ষা দিয়া৷

৭১৷ জন্মক্ষণত মানৱ অধিকাৰ আয়োগৰ সদস্য সংখ্যা কিমান আছিল?

উত্তৰ: জন্মক্ষণত মানৱ অধিকাৰ আয়োগৰ সদস্য সংখ্যা আছিল ১৮৷

৭২৷ ১৯৬২ চনত ৰাষ্ট্ৰসংঘৰ মানৱ অধিকাৰ আয়োগৰ সদস্য সংখ্যা কিমান আছিল?

উত্তৰ: ১৯৬২ চনত ৰাষ্ট্ৰসংঘৰ মানৱ অধিকাৰ আয়োগৰ সদস্য সংখ্যা আছিল ২১৷

৭৩৷ ১৯৯০ চনত ৰাষ্ট্ৰসংঘৰ মানৱ অধিকাৰ আয়োগৰ সদস্য সংখ্যা কিমান আছিল?

উত্তৰ: ১৯৯০ চনত ৰাষ্ট্ৰসংঘৰ মানৱ অধিকাৰ আয়োগৰ সদস্য সংখ্যা আছিল ৫৩৷

৭৪৷ ৰাষ্ট্ৰসংঘৰ মানৱ অধিকাৰ আয়োগৰ সদস্যৰ কাৰ্যকাল কিমান বছৰ?

উত্তৰ: ৰাষ্ট্ৰসংঘৰ মানৱ অধিকাৰ আয়োগৰ সদস্যৰ কাৰ্যকাল ৩ বছৰ৷

৭৫৷ ৰাষ্ট্ৰসংঘৰ মানৱ অধিকাৰ আয়োগৰ মুখ্য কাম কি?

উত্তৰ: ৰাষ্ট্ৰসংঘৰ মানৱ অধিকাৰ আয়োগৰ মুখ্য কাম হ’ল— বিশ্বৰ প্ৰত্যেকজন ব্যক্তিয়ে মৰ্যাদাপূৰ্ণ জীৱন যাপনৰ বাবে প্ৰয়োজন হোৱা অধিকাৰসমূহক সুৰক্ষা দিয়া৷

৭৬৷ ৰাষ্ট্ৰসংঘই কেতিয়া মানৱ অধিকাৰ ঘোষণাপত্ৰ গ্ৰহণ কৰে?

উত্তৰ: ১৯৪৮ চনৰ ১০ ডিচেম্বৰত ৰাষ্ট্ৰসংঘই মানৱ অধিকাৰ ঘোষণাপত্ৰ গ্ৰহণ কৰে৷

৭৭৷ কেইখন ৰাষ্ট্ৰৰ সমৰ্থনত ৰাষ্ট্ৰসংঘই মানৱ অধিকাৰ ঘোষণাপত্ৰ গ্ৰহণ কৰে?

উত্তৰ: ৪৮ খন ৰাষ্ট্ৰৰ সমৰ্থনত ৰাষ্ট্ৰসংঘই মানৱ অধিকাৰ ঘোষণাপত্ৰ গ্ৰহণ কৰে৷

৭৮৷ ‘মানৱ অধিকাৰ দিৱস’ কোন তাৰিখে পালন কৰা হয়?

উত্তৰ: ‘মানৱ অধিকাৰ দিৱস’ ১০ ডিচেম্বৰ তাৰিখে পালন কৰা হয়৷

৭৯৷ মানৱ অধিকাৰ ঘোষণাপত্ৰত কেইটা অনুচ্ছেদ আছে?

উত্তৰ: মানৱ অধিকাৰ ঘোষণাপত্ৰত এটা অনুচ্ছেদ আছে৷

৮০৷ ৰাষ্ট্ৰসংঘই কেতিয়া ইয়াৰ সদস্যৰাষ্ট্ৰবিলাকত ৰাষ্ট্ৰীয় মানৱ অধিকাৰ আয়োগ গঠনৰ বাবে সদস্যৰাষ্ট্ৰবিলাকৰ পৰামৰ্শ বিচাৰিছিল?

উত্তৰ: ১৯৬৬ চনত ৰাষ্ট্ৰসংঘই কেতিয়া ইয়াৰ সদস্যৰাষ্ট্ৰবিলাকত ৰাষ্ট্ৰীয় মানৱ অধিকাৰ আয়োগ গঠনৰ বাবে সদস্যৰাষ্ট্ৰবিলাকৰ পৰামৰ্শ বিচাৰিছিল৷

৮১৷ ১৯৯৩ চনত ৰাষ্ট্ৰসংঘৰ মানৱ অধিকাৰ সম্পৰ্কীয় অধিৱেশন ক’ত অনুষ্ঠিত হৈছি‍ল?

উত্তৰ: ১৯৯৩ চনত ৰাষ্ট্ৰসংঘৰ মানৱ অধিকাৰ সম্পৰ্কীয় অধিৱেশন ভিয়েনাত অনুষ্ঠিত হৈছি‍ল৷

৮২৷ ভাৰতৰ ৰাষ্ট্ৰীয় মানৱ অধিকাৰ আয়োগ কেতিয়া গঠন কৰা হয়?

উত্তৰ: ১৯৯৩ চনৰ ১২ অক্টোবৰত ভাৰতৰ ৰাষ্ট্ৰীয় মানৱ অধিকাৰ আয়োগ গঠন কৰা হয়৷

৮৩৷ কোন অধ্যাদেশ অনুসৰি মানৱ অধিকাৰ আয়োগ গঠন কৰা হয়?

উত্তৰ: ১৯৯৩ চনৰ ২৮ ছেপ্টেম্বৰৰ দিনা ঙাৰতৰ ৰাষ্ট্ৰপতিয়ে জাৰি কৰা অধ্যাদেশ অনুসৰি মানৱ অধিকাৰ আয়োগ গঠন কৰা হয়৷

৮৪৷ ‘মানৱ অধিকাৰ সুৰক্ষা আইন, ১৯৯৩’ কেতিয়া গ্ৰহণ কৰা হৈছিল?

উত্তৰ: ১৯৯৪ চনৰ ৮ জানুৱাৰিৰ দিনা ‘মানৱ অধিকাৰ সুৰক্ষা আইন, ১৯৯৩’ গ্ৰহণ কৰা হৈছিল৷

৮৫৷ কোনখন আইন অনুসৰি ভাৰতবৰ্ষৰ ৰাজ্যবিলাকতো মানৱ অধিকাৰ আয়োগ গঠন কৰা হয়?

উত্তৰ: ‘মানৱ অধিকাৰ সুৰক্ষা আইন, ১৯৯৩’ অনুসৰি ভাৰতবৰ্ষৰ ৰাজ্যবিলাকতো মানৱ অধিকাৰ আয়োগ গঠন কৰা হয়৷

৮৬৷ কেনে ব্যক্তি ভাৰতৰ ৰাষ্ট্ৰীয় মানৱ অধিকাৰ আয়োগৰ সভাপতি হ’ব পাৰে?

উত্তৰ: উচ্চতম ন্যায়ালয়ৰ মুখ্য ন্যায়াধীশ হিচাপে অৱসৰ গ্ৰহণ কৰা ব্যক্তি ভাৰতৰ ৰাষ্ট্ৰীয় মানৱ অধিকাৰ আয়োগৰ সভাপতি হ’ব পাৰে৷

৮৭৷  ভাৰতৰ ৰাষ্ট্ৰীয় মানৱ অধিকাৰ আয়োগৰ সদস্যসকলক কোনে নিযুক্তি দিয়ে?

উত্তৰ: ভাৰতৰ ৰাষ্ট্ৰীয় মানৱ অধিকাৰ আয়োগৰ সদস্যসকলক ৰাষ্ট্ৰপতিয়ে নিযুক্তি দিয়ে৷

৮৮৷ ভাৰতৰ ৰাষ্ট্ৰীয় মানৱ অধিকাৰ আয়োগৰ সদস্যসকলৰ কাৰ্যকাল কেই বছৰ?

উত্তৰ: ভাৰতৰ ৰাষ্ট্ৰীয় মানৱ অধিকাৰ আয়োগৰ সদস্যসকলৰ কাৰ্যকাল ৫ বছৰ৷

৮৯৷ জাতিসমূহৰ সংঘ (Commonwealth of Nations)-ৰ মুখ্য কাৰ্যালয় ক’ত অৱস্থিত?

উত্তৰ: জাতিসমূহৰ সংঘ (Commonwealth of Nations)-ৰ মুখ্য কাৰ্যালয় লণ্ডনত অৱস্থিত৷

৯০৷ এমনেষ্টি ইণ্টাৰনেছনেল (Amnesty International, AI)-ৰ মুখ্য কাৰ্যালয় ক’ত অৱস্থিত?

উত্তৰ: এমনেষ্টি ইণ্টাৰনেছনেল (Amnesty International, AI)-ৰ মুখ্য কাৰ্যালয় লণ্ডনত অৱস্থিত৷

৯১৷ উত্তৰ আটলাণ্টিক চুক্তি সংগঠন (North Atlantic Treaty Organization, NATO)-ৰ মুখ্য কাৰ্যালয় ক’ত অৱস্থিত?

উত্তৰ: উত্তৰ আটলাণ্টিক চুক্তি সংগঠন (North Atlantic Treaty Organization, NATO)-ৰ মুখ্য কাৰ্যালয় ব্ৰুচেলছত অৱস্থিত৷

৯২৷ আন্তঃৰাষ্ট্ৰীয় নৱীকৰণযোগ্য শক্তি অভিকৰণ (International Renewable Energy Agency)-ৰ মুখ্য কাৰ্যালয় ক’ত অৱস্থিত?

উত্তৰ: আন্তঃৰাষ্ট্ৰীয় নৱীকৰণযোগ্য শক্তি অভিকৰণ (International Renewable Energy Agency)-ৰ মুখ্য কাৰ্যালয় সংযুক্ত আৰব এমিৰেট্‌ছত অৱস্থিত৷

৯৩৷ এছি‍য়া প্ৰশান্ত মহাসাগৰীয় অৰ্থনৈতিক নিগম (APEC)-ৰ মুখ্য কাৰ্যালয় ক’ত অৱস্থিত?

উত্তৰ: এছি‍য়া প্ৰশান্ত মহাসাগৰীয় অৰ্থনৈতিক নিগম (APEC)-ৰ মুখ্য কাৰ্যালয় ছিংগাপুৰত অৱস্থিত৷

৯৪৷ দক্ষিণ-পূব এছীয় জাতিসমূহৰ সংস্থা (ASEAN)-ৰ মুখ্য কাৰ্যালয় ক’ত অৱস্থিত?

উত্তৰ: দক্ষিণ-পূব এছীয় জাতিসমূহৰ সংস্থা (ASEAN)-ৰ মুখ্য কাৰ্যালয় জাকাৰ্টাত অৱস্থিত৷

৯৫৷ আন্তঃৰাষ্ট্ৰীয় ক্ৰিকেট পৰিষদ (International Cricket Council, ICC)-ৰ মুখ্য কাৰ্যালয় ক’ত অৱস্থিত?

উত্তৰ: আন্তঃৰাষ্ট্ৰীয় ক্ৰিকেট পৰিষদ (International Cricket Council, ICC)-ৰ মুখ্য কাৰ্যালয় ডুবাইত অৱস্থিত৷

৯৬৷ আন্তঃৰাষ্ট্ৰীয় ফুটবল ফেডাৰেচন (FIFA)-ৰ মুখ্য কাৰ্যালয় ক’ত অৱস্থিত?

উত্তৰ: আন্তঃৰাষ্ট্ৰীয় ফুটবল ফেডাৰেচন (FIFA)-ৰ মুখ্য কাৰ্যালয় জুৰিকত অৱস্থিত৷

৯৭৷ বিশ্ব অৰ্থনৈতিক মঞ্চ (World Economic Forum, WEF)-ৰ মুখ্য কাৰ্যালয় ক’ত অৱস্থিত?

উত্তৰ: বিশ্ব অৰ্থনৈতিক মঞ্চ (World Economic Forum, WEF)-ৰ মুখ্য কাৰ্যালয় জেনেভাত অৱস্থিত৷

৯৮৷ আন্তঃৰাষ্ট্ৰীয় হকি‍ ফেডাৰেচন (International Hockey Federation)-ৰ মুখ্য কাৰ্যালয় ক’ত অৱস্থিত?

উত্তৰ: আন্তঃৰাষ্ট্ৰীয় হকি‍ ফেডাৰেচন (International Hockey Federation)-ৰ মুখ্য কাৰ্যালয় লৌচেন (ছুইজাৰলেণ্ড)-ত অৱস্থিত৷

৯৯৷ দক্ষি‍ণ এছীয় আঞ্চলিক সহযোগিতা সংস্থা (South Asian Association for Regional Co-operation, SAARC)-ৰ মুখ্য কাৰ্যালয় ক’ত অৱস্থিত?

উত্তৰ: দক্ষি‍ণ এছীয় আঞ্চলিক সহযোগিতা সংস্থা (South Asian Association for Regional Co-operation, SAARC)-ৰ মুখ্য কাৰ্যালয় কাঠমাণ্ডু (নেপাল)-ত অৱস্থিত৷

১০০৷ ৰাষ্ট্ৰসংঘ গঠনৰ পূৰ্বে এক‍ে উদ্দেশ্যৰে‍ গঠন হোৱা সংগঠনটোৰ নাম কি আছিল?

উত্তৰ: ৰাষ্ট্ৰসংঘ গঠনৰ পূৰ্বে এক‍ে উদ্দেশ্যৰে‍ গঠন হোৱা সংগঠনটোৰ নাম— ‘জাতিসংঘ’ (League of Nations)৷

১০১৷ ভেটো কি?

উত্তৰ: ভেটো হৈছে কোন‍ো সিদ্ধান্ত বা প্ৰস্তাৱ নাকচ কৰিব পৰা এক সাংবিধানকি অধিকাৰ৷