(১) তলৰ প্ৰশ্নবোৰৰ উত্তৰ লিখা—
(ক) সৌৰজগত বুলিলে কি বুজা?
উত্তৰ: সৌৰজগত বুলিলে আমি সূর্যক কেন্দ্ৰ কৰি পৃথিৱীৰ সৈতে অন্যান্য গ্ৰহ, উপগ্ৰহ, ধূমকেতু, উল্কা আৰু গ্ৰহাণুপুঞ্জক লৈ সৃষ্টি হোৱা সূর্যৰ পৰিয়ালক বুজোঁ৷
(খ) সূর্যৰ পৰা দূৰত্ব অনুসৰি একাদিক্ৰমে গ্ৰহবোৰৰ নাম লিখা৷
উত্তৰ: সূর্যৰ পৰা দূৰত্ব অনুসৰি
একাদিক্ৰমে গ্ৰহবোৰৰ নাম হ’ল— বুধ, শুক্ৰ, পৃথিৱী, মঙ্গল, বৃহস্পতি, শনি, য়ুৰেনাছ
আৰু নেপচুন৷
(গ) সূর্য কি? সূর্যৰ বিষয়ে চমুকৈ
লিখা৷
উত্তৰ: সূর্য অতি উত্তপ্ত নক্ষত্ৰ৷
সূর্যৰ ওপৰ অংশৰ উত্তাপ প্ৰায় ৬,০০০ ডিগ্ৰী
চেল্চিয়াছ৷ নক্ষত্ৰটোৰ বয়স প্ৰায় ৫০০ কোটি
বছৰৰ ওচৰা-উচৰি৷ সূর্য প্ৰচুৰ শক্তিৰ উৎস আৰু ইয়াৰ বাবেই পৃথিৱী নামৰ গ্ৰহটোত জীৱৰ
জীৱনধাৰণ সম্ভৱ হৈছে৷ পৃথিৱীত হোৱা দিন-ৰাতি, ঋতুপৰিৱর্তন, বতৰৰ সাল-সলনি আদি
সকলোৰে প্ৰধান কাৰণ হ’ল সূর্য৷
(২) উত্তৰ দিয়া—
(ক) নিজৰ পোহৰ থকা
তৰাবোৰক কি বুলি কোৱা হয়?
উত্তৰ: নিজৰ পোহৰ
থকা তৰাবোৰক ‘নক্ষত্ৰ’ বুলি কোৱা হয়৷
(খ) পৃথিৱীৰ পৰা আটাইতকৈ ওচৰত থকা গ্ৰহটোৰ নাম কি?
উত্তৰ: পৃথিৱীৰ পৰা আটাইতকৈ ওচৰত থকা গ্ৰহটোৰ নাম বুধ৷
(গ) আমি তাপ আৰু পোহৰ পোৱা নক্ষত্ৰটোৰ নাম কি?
উত্তৰ: আমি তাপ আৰু পোহৰ পোৱা নক্ষত্ৰটোৰ নাম হ’ল সূর্য৷
(ঘ) ৰাতিৰ আকাশত তীব্ৰভাৱে গতি কৰি ধ্বংস হোৱা উজ্জ্বল পিণ্ডবোৰক
কি বুলি জনা যায়?
উত্তৰ: ৰাতিৰ আকাশত তীব্ৰভাৱে গতি কৰি ধ্বংস হোৱা উজ্জ্বল
পিণ্ডবোৰক পপীয়া তৰা বা উল্কা বুলি জনা যায়৷
(৩) পাঠৰ চিত্ৰ-৩ত থকা সৌৰজগতৰ চিত্ৰখন পৰ্যবেক্ষণ কৰি তলৰ
প্ৰশ্নসমূহৰ উত্তৰ লিখা৷
(ক) সৌৰজগতৰ আটাইতকৈ দূৰত থকা গ্ৰহটোৰ নাম কি?
উত্তৰ: সৌৰজগতৰ আটাইতকৈ দূৰত থকা গ্ৰহটোৰ নাম হ’ল নেপচুন৷
(খ) য়ুৰেনাছ গ্ৰহটো কোন দুটা গ্ৰহৰ মাজত অৱস্থিত?
উত্তৰ: য়ুৰেনাছ গ্ৰহটো শনি আৰু নেপচুন গ্ৰহৰ মাজত অৱস্থিত৷
(গ) সূৰ্যৰ পৰা পৃথিৱীৰ অৱস্থান কেই নম্বৰ স্থানত?
উত্তৰ: সূৰ্যৰ পৰা পৃথিৱীৰ অৱস্থান তৃতীয় স্থানত৷
(ঘ) সৌৰজগতৰ আটাইতকৈ ডাঙৰ গ্ৰহটোৰ নাম কি?
উত্তৰ: সৌৰজগতৰ আটাইতকৈ ডাঙৰ গ্ৰহটোৰ নাম হ’ল বৃহস্পতি৷
(ঙ) গ্ৰহাণুপুঞ্জবোৰ কোন দুটা গ্ৰহৰ মাজত দেখা যায়?
উত্তৰ: গ্ৰহাণুপুঞ্জবোৰ মঙ্গল আৰু বৃহস্পতি গ্ৰহৰ মাজত দেখা
যায়৷
(৪) শুদ্ধ উত্তৰটো লিখা—
(ক) পৃথিৱীৰ যমজ বুলি কোনটো গ্ৰহক কোৱা হয়?
(১) বুধ (২) শুক্ৰ
(৩) মঙ্গল (৪) শনি
উত্তৰ: (২) শুক্ৰ৷
(খ) সৌৰজগতত অস্থায়ীভাৱে ভুমুকি মৰা উজ্জ্বল বাষ্পপিণ্ডবোৰ
হ’ল—
(১) ধূমকেতু (২) গ্ৰহাণুপুঞ্জ
(৩) উপগ্ৰহ (৪) নক্ষত্ৰ
উত্তৰ: (১) ধূমকেতু৷
যুগুতালে: বৰ্ণালী ঠাকুৰে
