১। উত্তৰ লিখা—
(ক) উত্তৰ-পূব ভাৰতৰ ৰাজ্যসমূহৰ নাম লিখা।
উত্তৰ: উত্তৰ-পূব ভাৰতৰ ৰাজ্যসমূহৰ নাম হ’ল— (১) অসম (২) অৰুণাচল প্ৰদেশ (৩) মেঘালয় (৪) মিজোৰাম (৫) নাগালেণ্ড (৬) মণিপুৰ আৰু (৭) ত্ৰিপুৰা।
(খ) উত্তৰ-পূব ভাৰতৰ কেইটামান জনগোষ্ঠীৰ নাম লিখা।
উত্তৰ: উত্তৰ-পূব ভাৰতৰ কেইটামান জনগোষ্ঠীৰ নাম হ’ল— আদি,নিচি, আপাটানি, মনপা, চেমা, খাচী, গাৰো, কুকি, ত্ৰিপা, ৰিথাং, আও, ৰাংখল, জয়ন্তীয়া ইত্য়াদি।
(গ) উত্তৰ-পূব ভাৰতক সাতভনীৰ দেশ বুলি কিয় কোৱা হয়?
উত্তৰ: সাতখন ৰাজ্যৰে গঠিত হোৱাৰ বাবে উত্তৰ-পূব ভাৰতক সাতভনীৰ দেশ বুলি কোৱা হয়।
(ঘ) ব্ৰ্ৰ্ৰহ্মপুত্ৰ নৈৰ ৪খন উপনৈৰ নাম লিখা।
উত্তৰ: ব্ৰহ্মপুত্ৰ নৈৰ ৪খন উপনৈৰ নাম হ’ল— জীয়াভৰলী, সোৱণশিৰি, বুঢ়ীদিহিং আৰু দিখৌ।
(ঙ) মণিপুৰ ৰাজ্যত থকা দুখন পাহাৰৰ নাম লিখা।
উত্তৰ: মণিপুৰ ৰাজ্যত থকা দুখন পাহাৰৰ নাম হ’ল— পাটকাই আৰু বৰাইল।
২। ‘ক’ অংশৰ লগত ‘খ’ অংশ মিলোৱা—
| ‘ক’ | ‘খ’ |
|---|---|
| অৰুণাচল প্ৰদেশ | ক’হিমা |
| মিজোৰাম | আগৰতলা |
| নাগালেণ্ড | ইম্ফল |
| ত্ৰিপুৰা | আইজল |
| মণিপুৰ | ইটানগৰ |
উত্তৰ:
| ‘ক’ | ‘খ’ |
|---|---|
| অৰুণাচল প্ৰদেশ | ইটানগৰ |
| মিজোৰাম | আইজল |
| নাগালেণ্ড | ক’হিমা |
| ত্ৰিপুৰা | আগৰতলা |
| মণিপুৰ | ইম্ফল |
৩। খালী ঠাই পূৰ কৰা—
(ক) ______ পৃথিৱীৰ ভিতৰতে ডাঙৰ নদী দ্বীপ।
উত্তৰ: মাজুলী পৃথিৱীৰ ভিতৰতে ডাঙৰ নদী দ্বীপ।
(খ) মণিপুৰ ৰাজ্যৰ ______ হ্ৰদ প্ৰাকৃতিকভাৱে হোৱা এক বৃহৎ হ্ৰদ।
উত্তৰ: মণিপুৰ ৰাজ্যৰ লকটক হ্ৰদ প্ৰাকৃতিকভাৱে হোৱা এক বৃহৎ হ্ৰদ।
(গ) ছিলং এখন ______ ঠাই।
উত্তৰ: ছিলং এখন স্বাস্থ্যকৰ ঠাই।
(ঘ) অৰুণাচল প্ৰদেশৰ ______ প্ৰাকৃতিক সৌন্দৰ্যৰে ভৰা ঠাই।
উত্তৰ: অৰুণাচল প্ৰদেশৰ টাৱাং, ব’মদিলা, পৰশুৰাম কুণ্ড আদি প্ৰাকৃতিক সৌন্দৰ্যৰে ভৰা ঠাই।
(ঙ) প্ৰায় সমগ্ৰ মিজোৰাম ৰাজ্যখনেই পাহাৰীয়া অঞ্চল।
উত্তৰ: প্ৰায় সমগ্ৰ মিজোৰাম ৰাজ্যখনেই পাহাৰীয়া অঞ্চল।
৪। তলত দিয়া বাক্যকেইটাৰ পৰা অশুদ্ধবোৰ বাছি উলিয়াই শুদ্ধকৈ লিখা—
(ক) বৰ্তমান অৰুণাচল প্ৰদেশ আগতে নগা পাহাৰ নামেৰে অসমৰ অংগ আছিল।
উত্তৰ: অশুদ্ধ৷
শুদ্ধ বাক্য— বৰ্তমান নাগালেণ্ড আগতে নগা পাহাৰ নামেৰে অসমৰ অংগ আছিল।
(খ) কাৰ্বি আংলং জিলা সমতলভূমিৰে গঠিত।
উত্তৰ: অশুদ্ধ৷
শুদ্ধ বাক্য— কাৰ্বি আংলং জিলা পাহাৰেৰে গঠিত।
(গ) অৰুণাচল প্ৰদেশৰ দক্ষিণ অঞ্চলত হিমালয় পৰ্বতমালা অৱস্থিত।
উত্তৰ: অশুদ্ধ৷
শুদ্ধ বাক্য— অৰুণাচল প্ৰদেশৰ উত্তৰ অঞ্চলত হিমালয় পৰ্বতমালা অৱস্থিত।
(ঘ) ত্ৰিপুৰা ৰাজ্যখন সমতল ভূমিৰে আবৃত।
উত্তৰ: শুদ্ধ।
(ঙ) মণিপুৰৰ সোঁমাজৰ অংশ প্ৰায় পাহাৰীয়া।
উত্তৰ: শুদ্ধ।
৫।ভাৰতৰ উত্তৰ-পূবৰ ৰাজ্যসমূহ পৰ্যটকৰ বাবে কিয় আকৰ্ষণীয় লিখা।
উত্তৰ: ভাৰতৰ উত্তৰ-পূবৰ ৰাজ্যসমূহ বহুতো আকৰ্ষণীয় আৰু প্ৰাকতিক ঐতিহ্যৰে ভৰপূৰ। উত্তৰ-পূব অঞ্চল বিভিন্ন নদ-নদী, হ্ৰদ, অভয়াৰণ্য, নদী-দ্বীপ আৰু পাহাৰীয়া অঞ্চলেৰে গঠিত। এনে ধৰণৰ অনেক বৈশিষ্ট্যৰে ভৰি থকাৰ বাবে উত্তৰ-পূবৰ ৰাজ্যসমূহ পৰ্যটকৰ বাবে আকৰ্ষণীয়।
৬। কোন কেইখন ৰাজ্যক একেলগে ‘উত্তৰ-পূব ভাৰত’ বুলি কোৱা হয়?
উত্তৰ: অসম, অৰুণাচল প্ৰদেশ, মেঘালয়, মণিপুৰ, মিজোৰাম, নাগালেণ্ড আৰু ত্ৰিপুৰা ৰাজ্যক একেলগে ‘উত্তৰ-পূব ভাৰত’ বুলি কোৱা হয়।
