১৷ উত্তৰ লিখা:
ক) কুটীৰ শিল্প কাক বোলে?
উত্তৰ: স্থানীয়ভাৱে সহজতে পোৱা কেঁচা সামগ্ৰীৰ পৰা কম মূলধন ব্যয়েৰে অতি কম যন্ত্ৰ-পাতিৰ ব্যৱহাৰ তথ্য কম সংখ্যক শ্ৰমিকৰ দ্বাৰা মানুহৰ প্ৰয়োজনীয় সামগ্ৰী প্ৰস্তুত কৰা উৎপাদন ব্যৱস্থাকেই কুটীৰ শিল্প বুলি কোৱা হয়৷
খ) মৃৎশিল্পৰ বিশেষ আকৰ্ষণ কি?
উত্তৰ: মৃৎশিল্পৰ বিশেষ আকৰ্ষণ হৈছে টেৰাকোটা৷
গ) বাগানত চাহপাত কেনেকৈ তৈয়াৰ কৰা হয়?
উত্তৰ: চাহবাগানৰ পৰা কুমলীয়া চাহপাত ছিঙি সেইবোৰ ভালদৰে শুকুৱাই লোৱাৰ পাছত মেচিনৰ জৰিয়তে বিশেষ পদ্ধতিৰে শুকান পাতবিলাক সৰু সৰু দানালৈ পৰিণত কৰি চাহপাত তৈয়াৰ কৰা হয়৷
২৷ চমু উত্তৰ লিখা:
ক) অসমত থকা দুবিধ কুটীৰ শিল্পৰ নাম লিখা৷
উত্তৰ: অসমত থকা দুবিধ কুটীৰ শিল্পৰ নাম হ’ল—
(i) কাঁহশিল্প
(ii) মৃৎশিল্প৷
খ) চাহখেতি কৰা তিনিখন জিলাৰ নাম লিখা৷
উত্তৰ: চাহখেতি কৰা তিনিখন জিলাৰ নাম হ’ল—
(i) শিৱসাগৰ
(ii) যোৰহাট
(iii) গোলাঘাট৷
গ) অসমত কোনটো উদ্যোগে অধিক পৰিমাণে আমাৰ দেশক আৰ্থিক উন্নয়নত সহায় কৰিছে?
উত্তৰ: অসমত চাহ উদ্যোগে অধিক পৰিমাণে আমাৰ দেশক আৰ্থিক উন্নয়নত সহায় কৰিছে৷
ঘ) অসমৰ কোনখন ঠাইক বস্ত্ৰনগৰী বোলে?
উত্তৰ: অসমৰ শুৱালকুছি নামৰ ঠাইখনক বস্ত্ৰনগৰী বোলা হয়৷
ঙ) মৃৎশিল্প কেন্দ্ৰ থকা তিনিখন ঠাইৰ নাম লিখা৷
উত্তৰ: মৃৎশিল্প কেন্দ্ৰ থকা তিনিখন ঠাইৰ নাম হ’ল—
(i) আশাৰীকান্দি
(ii) হাজো
(iii) কৰিমগঞ্জ
চ) বয়ন কেন্দ্ৰত উৎপাদন হোৱা দুবিধ কাপোৰৰ নাম লিখা৷
উত্তৰ: বয়ন কেন্দ্ৰত উৎপাদন হোৱা দুবিধ কাপোৰৰ নাম হ’ল—
(i) কপাহী কাপোৰ
(ii) পাট কাপোৰ
৩৷ শুদ্ধ বাক্যত ‘✔’ চিন দিয়া৷
ক) কুটীৰ শিল্পত যন্ত্ৰ-পাতিৰ ব্যৱহাৰ বেছি৷
খ) অসমৰ চাহ আটাইতকৈ গুৰুত্বপূৰ্ণ উদ্যোগ৷
গ) ঢকুৱাখনাত বয়ন কেন্দ্ৰ আছে৷
ঘ) অসমৰ পাট-মুগা কাপোৰে দেশে-বিদেশে আদৰ পাইছে৷
ঙ) বয়ন কেন্দ্ৰৰ অন্যতম আকৰ্ষণ টেৰাকোটা৷
উত্তৰ:
ক) কুটীৰ শিল্পত যন্ত্ৰ-পাতিৰ ব্যৱহাৰ বেছি৷
খ) অসমৰ চাহ আটাইতকৈ গুৰুত্বপূৰ্ণ উদ্যোগ৷ ✔
গ) ঢকুৱাখনাত বয়ন কেন্দ্ৰ আছে৷ ✔
ঘ) অসমৰ পাট-মুগা কাপোৰে দেশে-বিদেশে আদৰ পাইছে৷ ✔
ঙ) বয়ন কেন্দ্ৰৰ অন্যতম আকৰ্ষণ টেৰাকোটা৷
৪৷ ‘ক’ অংশৰ লগত ‘খ’ অংশ মিলোৱা:
| ‘ক’ | ‘খ’ |
|---|---|
| সৰ্থেবাৰী | পিতলৰ শিল্প |
| ঢকুৱাখনা | মৃৎশিল্প |
| আশাৰীকান্দি | কাঁহৰ শিল্প |
| হাজো | বয়ন শিল্প |
উত্তৰ:
| ‘ক’ | ‘খ’ |
|---|---|
| সৰ্থেবাৰী | কাঁহৰ শিল্প |
| ঢকুৱাখনা | বয়ন শিল্প |
| আশাৰীকান্দি | মৃৎশিল্প |
| হাজো | পিতলৰ শিল্প |
৫৷ কাঁহৰ বাচন তৈয়াৰ কৰা মানুহজনক কি বোলে?
উত্তৰ: কাঁহৰ বাচন তৈয়াৰ কৰা মানুহক কঁহাৰ বোলে
৬ ৷ অসমত চাহ উদ্যোগ গঢ় লৈ উঠাৰ কাৰণ কি?
উত্তৰ: অসমত চাহ উদ্যোগ গঢ় লৈ উঠাৰ কাৰণ এয়ে যে ইয়াত প্ৰচুৰ পৰিমাণে চাহপাত উৎপাদন হয়৷ অসমত ৮৫০ খনতকৈও অধিক ডাঙৰ চাহবাগান থকাৰ লগতে বহুতো সৰু সৰু চাহবাগানো আছে৷
