১। উত্তৰ লিখা—
(ক) পৰিৱেশৰ জৈৱিক উপাদানকেইটাৰ নাম কি কি?
উত্তৰ: পৰিৱেশৰ জৈৱিক উপাদানকেইটাৰ নাম হ’ল— উদ্ভিদ, প্ৰাণী, চৰাই-চিৰিকটি, কীট-পতংগ, অণুজীৱ আদি।
(খ) পেংগুইন চৰাইৰ গাৰ গঠন কেনেকুৱা?
উত্তৰ: পেংগুইনৰ গাটো ডিম্বাকৃতিৰ আৰু দীঘলীয়া, গাটো সৰু সৰু পাখিৰে আৱৰা আৰু ডেউকা দুখন সৰু।
(গ) শিৱসাগৰ জিলাত থকা পুৰণি কীৰ্তিচিহ্ন দুটাৰ নাম লিখা।
উত্তৰ: শিৱসাগৰ জিলাত থকা পুৰণি কীৰ্তিচিহ্ন দুটাৰ নাম হ’ল— ৰংঘৰ আৰু তলাতল ঘৰ।
(ঘ) পৰিৱেশৰ অজৈৱিক উপাদানসমূহ কি কি?
উত্তৰ: পৰিৱেশৰ অজৈৱিক উপাদানসমূহ হ’ল— বায়ু, পানী, মাটি, নৈ, জান-জুৰি, পৰ্বত-পাহাৰ আদি।
(ঙ) মানৱসৃষ্ট পৰিৱেশ বুলিলে কি বুজা?
উত্তৰ: মানুহে নিজৰ প্ৰয়োজন অনুসৰি প্ৰাকৃতিক পৰিৱেশৰ উপাদানসমূহৰ পৰাই কিছুমান উপাদান সৃষ্টি কৰি লয়৷ এনে উপাদানসমূহেৰে গঠিত পৰিৱেশেই হৈছে মানৱসৃষ্ট পৰিৱেশ ৷
(চ) অসমত থকা দুটা মন্দিৰ, দুটা দৌল আৰু দুখন সত্ৰৰ নাম লিখা।
উত্তৰ: অসমত থকা,
দুটা মন্দিৰ নাম হ’ল— উমানন্দ আৰু কামাখ্যা মন্দিৰ৷
দুটা দৌল হ’ল— শিৱ দৌল আৰু জয়দৌল৷
দুখন সত্ৰৰ নাম হ’ল— বৰপেটা সত্ৰ আৰু কমলাবাৰী সত্ৰ।
২। ‘ক’ অংশৰ লগত ‘খ’ অংশ মিলোৱা—
| ‘ক’ | ‘খ’ |
|---|---|
| তেজপুৰ | ভুৱন পাহাৰৰ মন্দিৰ |
| কামৰূপ | টেগবাহাদুৰ গুৰুদ্বাৰ |
| গোৱালপাৰা | অগ্নিগড় |
| ধুবুৰী | পোৱামক্কা |
| কাছাৰ | সূৰ্য পাহাৰ |
উত্তৰ:
| ‘ক’ | ‘খ’ |
|---|---|
| তেজপুৰ | অগ্নিগড় |
| কামৰূপ | পোৱামক্কা |
| গোৱালপাৰা | সূৰ্য পাহাৰ |
| ধুবুৰী | টেগবাহাদুৰ গুৰুদ্বাৰ |
| কাছাৰ | ভুৱন পাহাৰৰ মন্দিৰ |
৩। খালী ঠাই পূৰ কৰা—
(ক) মৰুভূমিৰ প্ৰাণীৰ ছাল _______ আৰু _______।
উত্তৰ: ৰুভূমিৰ প্ৰাণীৰ ছাল ডাঠ আৰু নোমাল ।
(খ) বগা ভালুক ______ অঞ্চলত থাকে।
উত্তৰ: বগা ভালুক মেৰু অঞ্চলত থাকে।
(গ) তৃণভূমি অঞ্চলত ______ পোৱা যায়।
উত্তৰ: তৃণভূমি অঞ্চলত তৃণভোজী আৰু মাংসভোজী প্ৰাণী পোৱা যায়।
(ঘ) পাণবাৰীৰ ______ মছজিদ ঐতিহ্যৰ প্ৰতীক।
উত্তৰ: পাণবাৰীৰ মিৰজুমলাৰ মছজিদ ঐতিহ্যৰ প্ৰতীক।
৪। তলৰ উক্তিসমূহ শুদ্ধ কৰি লোৱা—
(ক) বগা ভালুক/ হৰিণ/ জেব্ৰা মেৰু অঞ্চলৰ প্ৰাণী।
উত্তৰ: বগা ভালুক মেৰু অঞ্চলৰ প্ৰাণী।
(খ) ছীল/ বল্গা হৰিণ/ য়াকৰ দীঘল আৰু শাখা-প্ৰশাখাযুক্ত শিং থাকে।
উত্তৰ: বল্গা হৰিণৰ দীঘল আৰু শাখা-প্ৰশাখাযুক্ত শিং থাকে।
(গ) জিৰাফ/ সিংহ/ বাঘৰ গাৰ ৰং ধূসৰ।
উত্তৰ: সিংহৰ গাৰ ৰং ধূসৰ।
৫। চমুটোকা লিখা—
জলাহভূমি, অণুজীৱ।
উত্তৰ:
জলাহভূমি: সাধাৰণতে সাময়িকভাৱে বা স্থায়ীভাৱে জলমগ্ন হৈ থকা মাটিভাগকেই জলাহভূমি বুলি কোৱা হয়। পানী আৰু মাটি— এই দুয়ো ধৰণৰ উপাদানেৰে জলাহভুমি গঠিত৷ এই দুয়োটা উপাদান থকা বাবেই জলাহভূমিত বিভিন্ন ধৰণৰ উদ্ভিদ, প্ৰাণী আৰু অণুজীৱই বাস কৰে৷ তদুপৰি জলাহভূমিৰ কাষৰীয়া অঞ্চলত বিভিন্ন প্ৰজাতিৰ চৰায়ো থাকে৷ খাদ্যৰ বাবে জলাহভূমিৰ প্ৰাণীবোৰে পৰস্পৰে পৰস্পৰৰ ওপৰত নিৰ্ভৰ কৰে৷
অণুজীৱ: যিবিলাক তেনেই ক্ষুদ্ৰ জীৱক আমি খালী চকুৰে দেখা নাপাওঁ, সেইবিলাককে অণুজীৱ বুলি কোৱা হয়৷ এইবিলাক ইমানেই ক্ষুদ্ৰ যে অণুবীক্ষণ যন্ত্ৰৰ সহায়তহে দেখা যায়। উদাহৰণস্বৰূপে— বেক্টেৰিয়া আৰু ভাইৰাছ৷ ইহঁত বায়ু, পানী, মাটি সকলোতে থাকে। কিছুমান বেক্টেৰিয়াই মৃত উদ্ভিদ বা প্ৰাণীৰ পচন ঘটাই পচন সাৰ তৈয়াৰ কৰে৷
