১. উত্তৰ লিখা:
ক) পৰিৱেশৰ তাৰতম্য হোৱাৰ তিনিটা কাৰণ লিখা৷
উত্তৰ: পৰিৱেশৰ তাৰতম্য হোৱাৰ তিনিটা কাৰণ হ’ল—
(i) বৰষুণৰ পৰিমাণ
(ii) উষ্ণতাৰ মাত্ৰা
(iii) উচ্চতা
খ) সৰল গছ কোন অঞ্চলত পোৱা যায়?
উত্তৰ: সৰল গছ পাৰ্বত্য অঞ্চলত পোৱা যায়৷
গ) মৰুভূমি অঞ্চলত হোৱা এবিধ উদ্ভিদৰ নাম লিখা৷
উত্তৰ: মৰুভূমি অঞ্চলত হোৱা এবিধ উদ্ভিদৰ নাম হ’ল— কেক্টাছ৷
ঘ) কেক্টাছজাতীয় উদ্ভিদৰ গঠন কেনেকুৱা?
উত্তৰ: কেক্টাছজাতীয় উদ্ভিদৰ গঠন— ইহঁতৰ শিপাবোৰ বৰ দীঘল, গা-গছ মঙহাল, পাত নাথাকে, পাতৰ সলনি গা-গছ কাঁইটেৰে ভৰি থাকে৷
ঙ) অতি শীতল অঞ্চলত হোৱা দুবিধ উদ্ভিদৰ নাম লিখা৷
উত্তৰ: অতি শীতল অঞ্চলত হোৱা দুবিধ উদ্ভিদৰ নাম হ’ল— মচ আৰু সৰু সৰু তৃণজাতীয় উদ্ভিদ৷
চ) অৰণ্যত কেনে ধৰণৰ উদ্ভিদ পোৱা যায়?
উত্তৰ: অৰণ্য অঞ্চলত ওখ, গা-গছ শকত আৰু টান, অধিক ঠাল-ঠেঙুলিযুক্ত বৃক্ষজাতীয় উদ্ভিদ পোৱা যায়৷
ছ) পাৰ্বত্য অঞ্চলত হোৱা উদ্ভিদবোৰৰ গঠন কেনেকুৱা?
উত্তৰ: পাৰ্বত্য অঞ্চলত হোৱা উদ্ভিদবোৰ ওখ, গা-গছ কোমল, অধিক ঠাল-ঠেঙুলিযুক্ত, পাতৰ সংখ্যা বেছি আৰু পাতবোৰৰ আগটো বেজীৰ দৰে জোঙা হয়৷
জ) তৃণভূমি অঞ্চলৰ উদ্ভিদবোৰ কেনেকুৱা?
উত্তৰ: তৃণভূমি অঞ্চলৰ উদ্ভিদবোৰ ঘাঁহজাতীয় আৰু ইহঁতৰ পাতবোৰ দীঘল দীঘল৷ এই ঘাঁহজাতীয় উদ্ভিদবোৰৰ মাজে মাজে ওখ গছো দেখা যায়৷
ঝ) পাৰ্বত্য অঞ্চলৰ কোন অংশত উদ্ভিদৰ সংখ্যা বেছি?
উত্তৰ: পাৰ্বতত্য অঞ্চলৰ নামনি অংশত উদ্ভিদৰ সংখ্যা বেছি৷
ঞ) কেক্টাছে অতিৰিক্ত পানী ক’ত সঞ্চয় কৰি ৰাখে?
উত্তৰ: কেক্টাছে অতিৰিক্ত পানী ইয়াৰ গা-গছত সঞ্চয় কৰি ৰাখে৷
২. ‘ক’ অংশৰ লগত ‘খ’ অংশ মিলোৱা
| ‘ক’ | ‘খ’ |
|---|---|
| মৰুভূমি অঞ্চলৰ উদ্ভিদবোৰৰ | বহু এলেকা জুৰি দীঘল দীঘল ঘাঁহ থাকে |
| পাৰ্বত্য অঞ্চলৰ উদ্ভিদবোৰৰ | গা-গছ মঙহাল আৰু কাঁইটেৰে ভৰা |
| তৃণভূমি অঞ্চলত | ডাঠ গছ-গছনিৰে পূৰ্ণ |
| অৰণ্য অঞ্চল | মচ, তৃণজাতীয় উদ্ভিদ আদি গজে |
| মেৰু অঞ্চলত | পাতবোৰ বেজীৰ দৰে জোঙা হয়৷ |
উত্তৰ:
| ‘ক’ | ‘খ’ |
|---|---|
| মৰুভূমি অঞ্চলৰ উদ্ভিদবোৰৰ | গা-গছ মঙহাল আৰু কাঁইটেৰে ভৰা |
| পাৰ্বত্য অঞ্চলৰ উদ্ভিদবোৰৰ | পাতবোৰ বেজীৰ দৰে জোঙা হয়৷ |
| তৃণভূমি অঞ্চলত | বহু এলেকা জুৰি দীঘল দীঘল ঘাঁহ থাকে |
| অৰণ্য অঞ্চল | ডাঠ গছ-গছনিৰে পূৰ্ণ |
| মেৰু অঞ্চলত | মচ, তৃণজাতীয় উদ্ভিদ আদি গজে |
৩. খালী ঠাই পূৰণ কৰা:
ক) পানীৰ অভাৱৰ বাবে মৰুভূমিত গছ-গছনি অতি _______৷
উত্তৰ: পানীৰ অভাৱৰ বাবে মৰুভূমিত গছ-গছনি অতি কম ৷
খ) কেক্টাছৰ গা-গছ _______ হোৱা বাবে প্ৰাণীয়ে সহজে খাব নোৱাৰে৷
উত্তৰ: কেক্টাছৰ গা-গছ কাঁইটীয়া হোৱা বাবে প্ৰাণীয়ে সহজে খাব নোৱাৰে৷
গ) পাৰ্বত্য অঞ্চলৰ উদ্ভিদবোৰৰ _______ কোমল৷
উত্তৰ: পাৰ্বত্য অঞ্চলক উদ্ভিদবোৰৰ গা-গছ কোমল৷
ঘ) বৰষুণ, উষ্ণতা, উচ্চতা আদিয়ে _______ তাৰতম্য ঘটায়৷
উত্তৰ: বৰষুণ, উষ্ণতা, উচ্চতা আদিয়ে পৰিৱেশৰ তাৰতম্য ঘটায়৷
ঙ) পৰ্বতবোৰৰ ওপৰলৈ ক্ৰমে _______ সংখ্যা কমি আহে৷
উত্তৰ: পৰ্বতবোৰৰ ওপৰলৈ ক্ৰমে গছ-গছনিৰ সংখ্যা কমি আহে৷
চ) মেৰু অঞ্চলত _______ কালত ৰং-বিৰঙৰ ফুল ফুলে৷
উত্তৰ: মেৰু অঞ্চলত গৰম কালত ৰং-বিৰঙৰ ফুল ফুলে৷
৪. শুদ্ধ উত্তৰটোত ‘✔’ চিন দিয়া
ক) সৰল গছৰ গা-গছ টান৷
খ) দেৱদাৰু মৰুভূমি অঞ্চলৰ উদ্ভিদ৷
গ) অতি শীতল অঞ্চলত বৰফ গলিলে তৃণজাতীয় উদ্ভিদ গজে৷
ঘ) তৃণভূমি অঞ্চলৰ উদ্ভিদবোৰ অধিক ঠাল-ঠেঙুলিযুক্ত৷
ঙ) পৃথিৱীৰ সকলো ঠাইত একে ধৰণৰ উদ্ভিদ পোৱা যায়৷
উত্তৰ: গ) অতি শীতল অঞ্চলত বৰফ গলিলে তৃণজাতীয় উদ্ভিদ গজে৷ ✔
৫. পৰ্বতৰ একেবাৰে ওপৰৰ অংশত গছ-গছনিৰ সংখ্যা কম কিয়?
উত্তৰ: পৰ্বতৰ একেবাৰে ওপৰৰ অংশ অত্যন্ত শীতল আৰু বৰফেৰে ঢাক খাই থাকে বাবে এই অংশত গছ-গছনিৰ সংখ্যা কম হয়৷
