১। উত্তৰ লিখা—
(ক) গাঁৱৰ বাসিন্দাসকলৰ প্ৰধান জীৱিকা কি? তেওঁলোকে কি কি খেতি কৰে?
উত্তৰ: গাঁৱৰ বাসিন্দাসকলৰ প্ৰধান জীৱিকা হৈছে কৃষি। তেওঁলোকে ধান, মৰাপাট, মাহ, সৰিয়হ, তিল, কুঁহিয়াৰ আদিৰ খেতি কৰে।
(খ) চৰ অঞ্চলত বাস কৰা লোকসকলে কি কি খেতি কৰে?
উত্তৰ: চৰ অঞ্চলত বাস কৰা লোকসকলে সাধাৰণতে ৰবি শস্য, যেনে— মাহ, সৰিয়হ, জলকীয়া, বেঙেনা, তৰমুজ আদিৰ খেতি কৰে।
(গ) জুম খেতি কাক বোলে? এই কৃষি পদ্ধতিৰে কি কি খেতি কৰা হয়?
উত্তৰ: পাহাৰৰ এঢলীয়া ঠাইত হাবি-জংঘল কাটি জ্বলাই দি সেই ঠাইত খেতি কৰা হয়৷ এনেদৰে কৰা খেতিকেই জুম খেতি বুলি কোৱা হয়৷ এই কৃষি পদ্ধতিৰে আহুধান, মাকৈ, তিল, আদা, হালধি আদিৰ খেতি কৰা হয়।
(ঘ) নৈৰ পাৰৰ লোকসকলে কিদৰে জীৱন নির্বাহ কৰে?
উত্তৰ: নৈৰ পাৰত বসবাস কৰা লোকসকলে কৃষিজীৱী আৰু মৎস্যজীৱী হিচাপে জীৱিকা নিৰ্বাহ কৰে।
(ঙ) চাহ বাগিচাৰ শ্ৰমিকসকল কি কি কামৰ লগত জড়িত?
উত্তৰ: চাহ বাগিচাৰ শ্ৰমিকসকল বাগানৰ কুমলীয়া পাত ছিঙা, উদ্যোগলৈ বস্তু অনা-নিয়া কৰা, যন্ত্ৰ-পাতি চলোৱা আদি বিভিন্ন কামৰ লগত জড়িত।
২। ‘ক’ অংশৰ লগত ‘খ’ অংশ মিলোৱা—
| ‘ক’ | ‘খ’ |
|---|---|
| প্রাকৃতিক দিশৰ পৰা অসম এখন | অঘৰী জীৱন যাপন কৰিছিল। |
| অসমৰ ভৈয়াম আৰু পাহাৰ দুয়োটা অঞ্চলত | চহকী ৰাজ্য। |
| আদিম মানুহে | ৰবি শস্য কৰে। |
| চৰ অঞ্চলত বসবাস কৰা লোকসকলে সাধাৰণতে | চাহ বাগিচা দেখা যায়। |
উত্তৰ:
| ‘ক’ | ‘খ’ |
|---|---|
| প্রাকৃতিক দিশৰ পৰা অসম এখন | চহকী ৰাজ্য। |
| অসমৰ ভৈয়াম আৰু পাহাৰ দুয়োটা অঞ্চলত | চাহ বাগিচা দেখা যায়। |
| আদিম মানুহে | অঘৰী জীৱন যাপন কৰিছিল। |
| চৰ অঞ্চলত বসবাস কৰা লোকসকলে সাধাৰণতে | বি শস্য কৰে। |
৩। খালী ঠাই পূৰ কৰা—
(ক) খৰালি কালত পাহাৰীয়া অঞ্চলত ______ অভাৱ হয়।
উত্তৰ: খৰালি কালত পাহাৰীয়া অঞ্চলত পানীৰ অভাৱ হয়।
(খ) ভৈয়াম অঞ্চলবোৰ সাধাৰণতে ______ ভূমি।
উত্তৰ: ভৈয়াম অঞ্চলবোৰ সাধাৰণতে সমতল ভূমি।
(গ) পাহাৰ অঞ্চলৰ লোকসসকলে সাধাৰণতে ______ কৰে।
উত্তৰ: পাহাৰ অঞ্চলৰ লোকসসকলে সাধাৰণতে জুম খেতি কৰে।
(ঘ) অসমত পাহাৰ, ভৈয়াম দুয়ো ঠাইতে ______ অঞ্চল আছে।
উত্তৰ: অসমত পাহাৰ, ভৈয়াম দুয়ো ঠাইতে গাঁও অঞ্চল আছে।
(ঙ) ______ লোকসকল কুটীৰ শিল্পৰ লগত জড়িত হৈ থাকে।
উত্তৰ: গাঁৱৰ লোকসকল কুটীৰ শিল্পৰ লগত জড়িত হৈ থাকে।
৪। তলত দিয়া বাক্যকেইটাৰ পৰা অশুদ্ধবোৰ বাছি উলিয়াই শুদ্ধকৈ লিখা।
(ক) প্রাচীন কালত মানুহে স্থায়ীভাৱে ঘৰ সাজি উন্নত জীৱন যাপন কৰিছিল।
উত্তৰ: অশুদ্ধ৷
শুদ্ধ ৰূপ— প্ৰাচীন কালত মানুহে অঘৰী জীৱন যাপন কৰছিল।
(খ) উদ্যোগ, চাকৰি, ব্যৱসায় আদি নগৰ অঞ্চলৰ লোকসকলৰ জীৱিকা নির্বাহৰ মূল উপায়।
উত্তৰ: শুদ্ধ৷
(গ) নগৰ অঞ্চলতকৈ গাঁও অঞ্চলত যান-বাহনৰ সংখ্যা কম।
উত্তৰ: শুদ্ধ৷
(ঘ) কৃষিকৰ্মৰ বাহিৰেও গাঁও অঞ্চলৰ কিছু লোকে চাকৰিজীৱী হিচাপে জীৱিকা নির্বাহ কৰে।
উত্তৰ: শুদ্ধ৷
(ঙ) চৰ অঞ্চলত বসবাস কৰা লোকসকলে সাধাৰণতে ৰবি শস্য কৰে।
উত্তৰ: শুদ্ধ৷
৫। জুইৰ আৱিষ্কাৰ কেনেদৰে হৈছিল?
উত্তৰ: আদিম মানুহে খাদ্যৰ সন্ধানত ঘুৰি-ফুৰোঁতে ঘটনাক্ৰমে দুটুকুৰা শিল ঘঁহনি খাই ফিৰিঙতিৰ উৎপত্তি হোৱা দেখিছিল। সেই ফিৰিঙতিয়ে শুকান ডাল-পাতৰ সংস্পৰ্শলৈ আহি জুইৰ সৃষ্টি কৰিছিল। এইদৰেই জুই আৱিষ্কাৰ হৈছিল।
৬। আদিম কালৰ মানুহে কি কি কামৰ বাবে শিলৰ সঁজুলি ব্যৱহাৰ কৰিছিল?
উত্তৰ: আদিম কালত মানুহে চিকাৰ কৰিবলৈ, খাদ্যবস্তু কাটিবলৈ বা গুড়ি কৰিবলৈ আৰু ছবি আঁকিবলৈ শিলৰ সঁজুলি ব্যৱহাৰ কৰিছিল।
৭। পাৰ্থক্য লিখা—
(ক) গাঁও আৰু চহৰ
উত্তৰ:
গাঁও আৰু চহৰৰ মাজত পাৰ্থক্য হৈছে—
| গাঁও | চহৰ |
|---|---|
| গাঁৱৰ মানুহৰ প্ৰধান জীৱিকা কৃষি। | চহৰৰ মানুহৰ প্ৰধান জীৱিকা চাকৰি আৰু ব্যৱসায়। |
| গাঁও অঞ্চলত জনবসতি পাতল। | চহৰ অঞ্চলৰ জনবসতি ঘন। |
| গাঁৱৰ যাতায়ত ব্যৱস্থা উন্নত নহয়। | চহৰৰ যাতায়ত ব্যৱস্থা উন্নত। |
| গাঁৱত যান-বাহনৰ সংখ্যা কম। | চহৰত যান-বাহনৰ সংখ্যা বেছি। |
| গাঁৱত শিক্ষা, চিকিৎসা, ব্যৱসায় আদিৰ সুবিধা কম থাকে। | চহৰত শিক্ষা, চিকিৎসা, ব্যৱসায় আদিৰ সুবিধা অধিক। |
(খ) ভৈয়াম আৰু পাহাৰ
উত্তৰ: ভৈয়াম আৰু পাহাৰৰ মাজত পাৰ্থক্য হৈছে—
| ভৈয়াম | পাহাৰ |
|---|---|
| ভৈয়াম অঞ্চলবোৰ সমতল ভূমি। | পাহাৰ অঞ্চলৰ মাটি ওখ-চাপৰ। |
| ভৈয়াম অঞ্চলৰ যাতায়ত ব্যৱস্থা সুচল৷ | পাহাৰীয়া অঞ্চলৰ যাতায়তৰ সুচলতা কম। |
| গাঁৱৰ যাতায়ত ব্যৱস্থা উন্নত নহয়। | পাহাৰত খৰালি কালত খোৱা পানীৰ অভাৱ হয়। |
| ভৈয়াম অঞ্চলত জুম খেতিৰ প্ৰচলন নাই৷ | পাহাৰ অঞ্চলত জুম খেতিৰ প্ৰচলন আছে৷ |
