১. উত্তৰ লিখা:
ক) প্ৰাকৃতিক সম্পদ কাক বোলে?
উত্তৰ: বায়ু, পানী, মাটি, খনিজ পদাৰ্থ, অৰণ্য, বন্যপ্ৰাণী আদি যিবিলাক সম্পদ প্ৰকৃতিত পোৱা যায়, সেই সম্পদসমূহকেই প্ৰাকৃতিক সম্পদ বুলি কোৱা হয়৷
খ) খনিজ সম্পদ কাক বোলে?
উত্তৰ: খাৰুৱা তেল, প্ৰাকৃতিক গেচ, কয়লা, চূণশিল আদি যিবিলাক সম্পদ ভূ-গৰ্ভৰ পৰা আহৰণ কৰা হয়, সেইবিলাককেই খনিজ সম্পদ বুলি কোৱা হয়৷
গ) অসমৰ খনিজ সম্পদসমূহ কি কি?
উত্তৰ: অসমৰ খনিজ সম্পদসমূহ হৈছে-- খাৰুৱা তেল, প্ৰাকৃতিক গেছ, কয়লা আৰু চূণশিল৷
ঘ) অসমক কিয় পনীয়া সোণৰ ৰাজ্য বুলি কোৱা হয়?
উত্তৰ: অসম খাৰুৱা তেলত চহকী হোৱা বাবেই ইয়াক পনীয়া সোণৰ ৰাজ্য বুলি কোৱা হয়৷
ঙ) জলজ সম্পদ কি?
উত্তৰ: পানীত থকা উদ্ভিদ আৰু প্ৰাণীসমূহকেই একেলগে জলজ সম্পদ বুলি কোৱা হয়৷
চ) অসমক কিয় নদীমাতৃক দেশ বুলি কোৱা হয়?
উত্তৰ: নদ-নদী বেছিকৈ থকা বাববে অসমক নদীমাতৃক দেশ বুলি কোৱা হয়৷
ছ) তিনিবিধ বনজ সম্পদৰ নাম লিখা৷
উত্তৰ: তিনিবিধ বনজ সম্পদ হ’ল-- (i)গছ-গছনি, (ii)জীৱ-জন্তু আৰু (iii) চৰাই-চিৰিকটি
২৷ আমি কিয় প্ৰাকৃতিক সম্পদবোৰৰ সদ্ব্যৱহাৰ কৰিব লাগে?
উত্তৰ: সকলো প্ৰাকৃতিক সম্পদেই অতি মূল্যৱান৷ এই মূল্যৱান প্ৰাকৃতিক সম্পদসমূহ যদি পৰিমিতভাৱে ব্যৱহাৰ নকৰি অপব্যয় কৰা হয়, তেন্তে এটা সময়ত এই প্ৰাকৃতিক সম্পদসমূহ শেষ হৈ যাব৷ সেয়ে আমি প্ৰাকৃতিক সম্পদসমূহৰ সদ্ব্যৱহাৰ কৰা উচিত৷
৩৷ শুদ্ধ উত্তৰটোত ‘✔’ চিন দিয়া:
ক) আলকেতেৰা কয়লা খনিত পোৱা যায়৷
খ) চূণশিল এবিধ বনজ সম্পদ৷
গ) প্ৰাকৃতিক সম্পদৰ আমি সদ্ব্যৱহাৰ কৰিব লাগে৷
ঘ) অসমৰ কাৰ্বি আংলং জিলাত খাৰুৱা তেল প্ৰচুৰ পৰিমাণে পোৱা যায়৷
ঙ) ভূ-গৰ্ভত পোৱা খাৰুৱা তেল পোনে পোনে ব্যৱহাৰৰ বাবে উপযোগী৷
উত্তৰ: গ) প্ৰাকৃতিক সম্পদৰ আমি সদ্ব্যৱহাৰ কৰিব লাগে৷✔
৪৷ ‘ক’ অংশৰ লগত ‘খ’ অংশ মিলোৱা:
| ‘ক’ | ‘খ’ |
|---|---|
| কয়লা | বনজ সম্পদ |
| খাৰুৱা তেল | জলজ সম্পদ |
| গঁড়, হাতী | খনিজ সম্পদ |
| পানীত থকা প্ৰাণীসমূহ | পনীয়া সোণ |
উত্তৰ:
| ‘ক’ | ‘খ’ |
|---|---|
| কয়লা | খনিজ সম্পদ |
| খাৰুৱা তেল | পনীয়া সোণ |
| গঁড়, হাতী | বনজ সম্পদ |
| পানীত থকা প্ৰাণীসমূহ | জলজ সম্পদ |
