১। উত্তৰ লিখা—
(ক) বন্যপ্ৰাণীৰ আৱাসথলীত কোন তিনিটা উপাদান থকা বিশেষ প্ৰয়োজন?
উত্তৰ: বন্যপ্ৰাণীৰ আৱাসথলীত খাদ্য, পানী আৰু বাসস্থান— এই তিনিটা উপাদান থকাটো বিশেষ প্ৰয়োজন।
(খ) ‘প্ৰকৃতিক বিশ্ব ঐতিহ্যৰ স্থান’ পোৱা অসমৰ ৰাষ্ট্ৰীয় উদ্যান দুখনৰ নাম কি কি?
উত্তৰ: ‘প্ৰাকৃতিক বিশ্ব ঐতিহ্যৰ স্থান’ পোৱা অসমৰ দুখন ৰাষ্ট্ৰীয় উদ্যানৰ নাম হ’ল— কাজিৰঙা ৰাষ্ট্ৰীয় উদ্যান আৰু মানাহ ৰাষ্ট্ৰীয় উদ্যান।
(গ) মানুহ আৰু বন্যপ্ৰাণীৰ সংঘাতৰ তিনিটা কাৰণ লিখা।
উত্তৰ: মানুহ আৰু বন্যপ্ৰাণীৰ সংঘাতৰ তিনিটা কাৰণ হৈছে— খাদ্য, পানী আৰু বাসস্থান।
(ঘ) ব্যাঘ্ৰ প্ৰকল্প থকা দুখন ৰাষ্ট্ৰীয় উদ্যানৰ নাম লিখা।
উত্তৰ: ব্যাঘ্ৰ প্ৰকল্প থকা দুখন ৰাষ্ট্ৰীয় উদ্যানৰ নাম হ’ল— মানাহ ৰাষ্ট্ৰীয় উদ্যান আৰু নামেৰী ৰাষ্ট্ৰীয় উদ্যান।
(ঙ) অসমৰ বনাঞ্চলত থকা চাৰিবিধ বিৰল প্ৰজাতিৰ প্ৰাণীৰ নাম উল্লেখ কৰা।
উত্তৰ: অসমৰ বনাঞ্চলত থকা চাৰিবিধ বিৰল প্ৰজাতিৰ প্ৰাণীৰ নাম হৈছে— সোণালী বান্দৰ, দেওহাঁহ আৰু নল-গাহৰি।
২। ‘ক’ অংশৰ লগত ‘খ’ অংশ মিলোৱা—
| ‘ক’ | ‘খ’ |
|---|---|
| পাহাৰৰ হাবি-বন কাটি | বিভিন্ন প্ৰজাতিৰ উদ্ভিদ সংৰক্ষণ কৰা হয়। |
| উদ্ভিদ উদ্যানত | জুম খেতি কৰা হয়। |
| অভয়াৰণ্যত | দ’দ’ চৰাই আছিল। |
| মৰিছাছ দ্বীপত | বন্যপ্ৰাণীবোৰে মুক্তভাৱে বিচৰণ কৰি ফুৰিব পাৰে। |
উত্তৰ:
| ‘ক’ | ‘খ’ |
|---|---|
| পাহাৰৰ হাবি-বন কাটি | জুম খেতি কৰা হয়। |
| উদ্ভিদ উদ্যানত | বিভিন্ন প্ৰজাতিৰ উদ্ভিদ সংৰক্ষণ কৰা হয়। |
| অভয়াৰণ্যত | বন্যপ্ৰাণীবোৰে মুক্তভাৱে বিচৰণ কৰি ফুৰিব পাৰে। |
| মৰিছাছ দ্বীপত | দ’দ’ চৰাই আছিল। |
৩। খালী ঠাই পূৰ কৰা—
(ক) ২১ মাৰ্চ দিনটো _______ হিচাপে কালন কৰা হয়।
উত্তৰ: ২১ মাৰ্চ দিনটো বিশ্ব বন দিৱস হিচাপে কালন কৰা হয়।
(খ) গুৱাহাটীৰ চিৰিয়াখানাত _______ আছে।
উত্তৰ: গুৱাহাটীৰ চিৰিয়াখানাত উদ্ভিদ উদ্যান আছে।
(গ) মানুহ আৰু বন্যপ্ৰাণীৰ সংঘাতৰ বাবে _______ প্ৰকৃততে দোষী।
উত্তৰ: মানুহ আৰু বন্যপ্ৰাণীৰ সংঘাতৰ বাবে মানুহেই প্ৰকৃততে দোষী।
(ঘ) ডিব্ৰু-চৈখোৱা এখন _______।
উত্তৰ: ডিব্ৰু-চৈখোৱা এখন ৰাষ্ট্ৰীয় উদ্যান ।
(ঙ) সংৰক্ষিত বনাঞ্চলসমূহ চাবলৈ অহা পৰ্যটকৰ পৰা চৰকাৰে _______ সংগ্ৰহ কৰে।
উত্তৰ: সংৰক্ষিত বনাঞ্চলসমূহ চাবলৈ অহা পৰ্যটকৰ পৰা চৰকাৰে ৰাজহ সংগ্ৰহ কৰে।
৪। চমু উত্তৰ দিয়া—
(ক) বন্যপ্ৰাণী সপ্তাহ বছৰৰ কোনটো মাহত পালন কৰা হয়?
উত্তৰ: বন্যপ্ৰাণী সপ্তাহ প্ৰতি বছৰে অক্টোবৰ মাহত পালন কৰা হয়।
(খ) ৰাষ্ট্ৰীয় উদ্যানৰ কোনটো ভাগত পৰ্যটকৰ বাবে দৰ্শনৰ ব্যৱস্থা থাকে?
উত্তৰ: ৰাষ্ট্ৰীয় উদ্যানৰ দাঁতিকাষৰীয়া অঞ্চলত পৰ্যটকৰ বাবে দৰ্শনৰ ব্যৱস্থা থাকে।
(গ) জৈৱ-বৈচিত্ৰ্য দিৱস কোন তাৰিখে পালন কৰা হয়?
উত্তৰ: জৈৱ-বৈচিত্ৰ্য দিৱস ২২ মে’ত পালন কৰা হয়।
(ঘ) দ’দ’ চৰাইৰ লগত কোনবিধ উদ্ভিদ পৃথিৱীৰ পৰা একেবাৰে বিলুপ্ত হৈ গ’ল?
উত্তৰ: দ’দ’ চৰাইৰ লগত কেল্ভেৰিয়া মেজৰ (Calvaria Major) নামৰ উদ্ভিদবিধ পৃথিৱীৰ পৰা একেবাৰে বিলুপ্ত হৈ গ’ল।
৫। চমুটোকা লিখা—
(ক) অভয়াৰণ্য (খ) সংৰক্ষিত বনাঞ্চল (গ) উদ্ভিদ উদ্যান (ঘ) ৰাষ্ট্ৰীয় উদ্যান
উত্তৰ:
অভয়াৰণ্য: অভয়াৰণ্যসমূহ ঘন বসতিপূৰ্ণ অঞ্চলৰ পৰা বহু দূৰত অৱস্থিত। ইয়াত বন্যপ্ৰাণীসমূহে মুক্তমনে বিচৰণ কৰিব পাৰে। ইয়াত বন্যপ্ৰাণী আৰু উদ্ভিদক বিশেষভাৱে ৰক্ষণাবেক্ষণ দিয়া হয়। অভয়াৰণ্যৰ উদাহৰণ হৈছে— পবিতৰা অভয়াৰণ্য।
সংৰক্ষিত বনাঞ্চল: বনজ সম্পদত চহকী কিছুমান প্ৰকৃতিক অঞ্চলক চৰকাৰে সংৰক্ষিত বনাঞ্চল হিচাপে ঘোষণা কৰে। এই সংৰক্ষিত বনাঞ্চলসমূহত থকা বন্যপ্ৰাণী আৰু উদ্ভিদৰ দায়িত্ব চৰকাৰে লয়।
উদ্ভিদ উদ্যান: উদ্ভিদ উদ্যানত বিভিন্ন প্ৰজাতিৰ উদ্ভিদ সংৰক্ষণ কৰা হয়। এই উদ্যানত উদ্ভিদবিলাকক চিনি পাবৰ বাবে প্ৰত্যেকজোপা উদ্ভিদৰ গা-গছত স্থানীয় নামৰ লগতে বৈজ্ঞানিক নামৰ ফলক লগোৱা থাকে। গুৱাহাটীৰ চিৰিয়াখানাত উদ্ভিদ উদ্যান থাকে।
ৰাষ্ট্ৰীয় উদ্যান: ৰাষ্ট্ৰীয় উদ্যানত কেন্দ্ৰীয় চৰকাৰৰ দ্বাৰা স্বীকৃতিপ্ৰাপ্ত অঞ্চল, য’ত বন্যপ্ৰাণীক সকলো সময়ৰ বাবে সংৰক্ষণ আৰু বংশ বৃদ্ধিৰ বাবে ৰখা হয়। ৰাষ্ট্ৰীয় উদ্যানবোৰত বিৰল প্ৰজাতিৰ বন্যপ্ৰাণীবোৰক বিশেষভাৱে ৰক্ষণাবেক্ষণ দিয়া হয়।
