বৈদিক সভ্যতা— সমাজ বি‍জ্ঞান, ষষ্ঠ শ্ৰেণী

১) উত্তৰ লিখা—

ক) ভাৰতৰ কোন দিশৰ পৰা আর্যসকল ভাৰতৰ সপ্তসিন্ধু উপত্যকালৈ আহিছিল?

উত্তৰ: ভাৰতৰ উত্তৰ-পশ্চিম দিশৰ পৰা আর্যসকল ভাৰতৰ সপ্তসিন্ধু উপত্যকালৈ আহিছিল৷

খ) আর্যসকলৰ পূর্বপুৰুষসকল কোন অঞ্চলৰ অধিবাসী আছিল?

উত্তৰ: আর্যসকলৰ পূর্বপুৰুষসকল সম্ভৱতঃ মধ্য এছিয়াৰ কৃষ্ণ সাগৰ আৰু কাস্পিয়ান সাগৰৰ মাজত থকা ভূ-ভাগৰ অধিবাসী আছিল৷

গ) সিন্ধু উপত্যকাৰ সভ্যতা আৰু বৈদিক সভ্যতাৰ মাজৰ দুটা প্ৰধান পার্থক্য দেখুওৱা৷

উত্তৰ: সিন্ধু উপত্যকাৰ সভ্যতা আৰু বৈদিক সভ্যতাৰ মাজৰ দুটা প্ৰধান পার্থক্য—

সিন্ধু উপত্যকাৰ সভ্যতা	বৈদিক সভ্যতাৰ
১) সিন্ধু সভ্যতাত শিল্প বাণিজ্যৰ প্ৰচলন আছিল৷	বৈদিক সভ্যতাৰ ভেটি আছিল কৃষি আৰু পশুপালন৷
২) সিন্ধু সভ্যতাত ঘোঁৰাৰ প্ৰচলন নাছিল	বৈদিক সভ্যতাত আর্যসকলে ঘোঁৰাৰ ব্যৱহাৰ কৰিছিল৷

ঘ) চাৰিওখন বেদৰ ভিতৰত কোনখন প্ৰাচীনতম বেদ?

উত্তৰ: চাৰিওখন বেদৰ ভিতৰত ঋক্‌বেদ প্ৰাচীনতম বেদ৷

ঙ) আর্যসকল গংগা উপত্যকালৈ কিয় আগবাঢ়ি গৈছিল?

উত্তৰ: আর্যসকল প্ৰধানতঃ পশুপালক আছিল৷ এটা সময়ত তেওঁলোকৰ জনসংখ্যা আৰু জীৱ-জন্তুৰ সংখ্যা বঢ়াৰ ফলত নতুন উর্বৰা ঘাঁহনি পথাৰৰ প্ৰয়োজন হোৱাত তেওঁলোক হিমালয়ৰ নামনিৰ গংগা নদীৰ সাৰুৱা উপত্যকা অঞ্চললৈ আগবাঢ়ি গৈছিল৷

চ) বৈদিক যুগৰ দুগৰাকী বিদুষী নাৰীৰ নাম লিখা৷

উত্তৰ: বৈদিক যুগৰ দুগৰাকী বিদুষী নাৰীৰ নাম— বিশ্বৱাৰা, লোপামুদ্ৰা৷

ছ) আর্যসকল কোন ভাষিক গোষ্ঠীৰ মানুহ আছিল?

উত্তৰ: আর্যসকল ইন্দো-য়ুৰোপীয়ান ভাষিক গোষ্ঠীৰ মানুহ আছিল৷

জ) আর্যসকলে কিহক প্ৰধান সম্পদ হিচাপে গণ্য কৰিছিল?

উত্তৰ: আর্যসকলে গৰুক প্ৰধান সম্পদ হিচাপে গণ্য কৰিছিল৷

ঝ) আর্যসকলে ভাৰতত কোনবিধ ঘৰচীয়া জন্তুৰ প্ৰচলন কৰিছিল?

উত্তৰ: আর্যসকলে ভাৰতত ঘৰচীয়া জন্তু ঘোঁৰাৰ প্ৰচলন কৰিছিল৷

২) শুদ্ধ-অশুদ্ধ নির্ণয় কৰা—

ক) বৈদিক যুগৰ আনুমানিক সময়সীমা খৃ: পূ: ১৫০০-ৰ পৰা খৃ: পূ: ১০০০-ৰ ভিতৰত পৰে৷

উত্তৰ: অশুদ্ধ৷

খ) ঋক্‌ বৈদিক যুগতে চাৰিওখন বেদ ৰচনা কৰা হৈছিল৷

উত্তৰ: অশুদ্ধ৷

গ) আর্যসকলৰ দিনত লোৰ প্ৰচলন আছিল৷

উত্তৰ: শুদ্ধ৷

ঘ) সপ্তসিন্ধুৰ স্থানীয় লোকসকলক আর্যসকলে হেয়জ্ঞান কৰিছিল৷

উত্তৰ: শুদ্ধ৷

ঙ) আর্যসকলৰ সময়ত সমাজত নাৰীৰ স্থান নিম্ন আছিল৷

উত্তৰ: অশুদ্ধ৷