অনুশীলনী
১) উত্তৰ লিখা—
(ক) কেইখনমান যান-বাহনৰ নাম ল্যিখা৷
উত্তৰ: কেইখনমান যান-বাহনৰ নাম হ’ল— বাছ, ট্ৰাক, ৰে’ল, উৰাজাহাজ, চাইকেল, মটৰগাড়ী, মটৰচাইকেল, ঠেলা, ৰিক্সা, টেম্পো, গৰুগাড়ী, ঘোঁৰাগাড়ী আদি।
(খ) তোমালোকৰ অঞ্চলত কি কি যান-বাহনৰ সুবিধা আছে?
উত্তৰ: আমাৰ অঞ্চলত চাইকেল, ৰিক্সা, অট’ৰিক্সা, ঠেলা, ট্ৰাক, বাছ, মটৰচাইকেল আদিৰ সুবিধা আছে।
(গ) প্রাণীয়ে টনা দুবিধ যানবাহনৰ নাম লিখা৷
উত্তৰ: প্রাণীয়ে টনা দুবিধ যান-বাহনৰ নাম হ’ল— গৰুগাড়ী আৰু ঘোঁৰাগাড়ী।
(ঘ) হাট-বজাৰলৈ বস্তু অনা-নিয়া কৰিবৰ বাবে ব্যৱহাৰ কৰা তিনিবিধ যান-বাহনৰ নাম লিখা৷
উত্তৰ: হাট-বজাৰলৈ বস্তু অনা-নিয়া কৰিবৰ বাবে ব্যৱহাৰ কৰা তিনিবিধ যান-বাহনৰ নাম হ’ল— ঠেলা, গৰুগাড়ী আৰু ঘোঁৰাগাড়ী।
(ঙ) যান-বাহনৰ পৰা আমাৰ কি কি সুবিধা হয়?
উত্তৰ: যান-বাহনৰ জৰিয়তে আমি দূৰৈৰ ঠাইলৈ কম সময় আৰু কম কষ্টৰে যাব পাৰোঁ। বস্তু অনা-নিয়া কৰাতো যান-বাহনে সহায় কৰে।
২) ‘ক’ অংশৰ লগত ‘খ’ অংশ মিলাই লিখা।
| ‘ক’ | ‘খ’ |
|---|---|
| মটৰ গাড়ী | আকাশত উৰে |
| উৰাজাহাজ | মাটিত চলে |
| ফেৰী | জুই নুমুৱাত সহায় কৰে |
| মালবাহী ৰে’ল | পানীত চলে |
| অগ্নিনিৰ্বাপক গাড়ী | বস্তু অনা-নিয়া কৰে। |
উত্তৰ:
| ‘ক’ | ‘খ’ |
|---|---|
| মটৰ গাড়ী | মাটিত চলে |
| উৰাজাহাজ | আকাশত উৰে |
| ফেৰী | পানীত চলে |
| মালবাহী ৰে’ল | বস্তু অনা-নিয়া কৰে। |
| অগ্নিনিৰ্বাপক গাড়ী | জুই নুমুৱাত সহায় কৰে |
৩) খালী ঠাই পূৰ কৰা—
(ক) হাট-বজাৰত বিভিন্ন বস্তু কৰা হয়।
(খ) হাট বজাৰত বিভিন্ন ধৰণৰ মানুহৰ লগত ঘটে।
(গ) ঘোঁৰাগাড়ীৰে অনা-নিয়া কৰা হয়।
(ঘ) ডাঙৰ নদীত চলাচলকৰে।
(ঙ) ভিন ভিন মানুহৰ মাজত সাংস্কৃতিক সম্পর্ক গঢ়ি তোলাতো সুবিধা কৰি দিছে।
উত্তৰ:
(ক) হাট-বজাৰত বিভিন্ন বস্তু বেচা-কিনা কৰা হয়।
(খ) হাট বজাৰত বিভিন্ন ধৰণৰ মানুহৰ লগত পৰিচয় ঘটে।
(গ) ঘোঁৰাগাড়ীৰে বস্তু অনা-নিয়া কৰা হয়।
(ঘ) ডাঙৰ নদীত জাহাজ চলাচল কৰে।
(ঙ) ভিন ভিন মানুহৰ মাজত সাংস্কৃতিক সম্পর্ক গঢ়ি তোলাতো যান-বাহনে সুবিধা কৰি দিছে।
৪) তোমাৰ ঘৰৰ পৰা তলত দিয়া ঠাইবোৰলৈ কি ধৰণৰ যান-বাহনত যাবা লিখা।
বিদ্যালয়লৈ, নৈৰ সিপাৰলৈ, দিল্লীলৈ।
উত্তৰ: আমাৰ ঘৰৰ পৰা বিদ্যালয়লৈ চাইকেলেৰে, নৈৰ সিপাৰলৈ নাৱেৰে আৰু দিল্লীলৈ ৰে’ল বা উৰাজাহাজেৰে যাম।
অন্যান্য প্ৰয়োজনীয় প্ৰশ্নোত্তৰ
১৷ হাট-বজাৰত কি কৰা হয়?
উত্তৰ: হাট-বজাৰত নানা ধৰণৰ বস্তু কিনা-বেচা কৰা হয়।
২৷ গুৱাহাটীৰ ক’ত বিমান বন্দৰ আছে?
উত্তৰ: গুৱাহাটীৰ বৰঝাৰত বিমান বন্দৰ আছে।
৩৷ কম দুৰত্বৰ ঠাইলৈ অহা-যোৱা কৰিবলৈ কি কি যান-বাহন ব্যৱহাৰ কৰিব পাৰি?
উত্তৰ: কম দুৰত্বৰ ঠাইলৈ অহা-যোৱা কৰিবলৈ চাইকেল, ৰিক্সা আদি ব্যৱহাৰ কৰিব পাৰি।
৪৷ বহুত দূৰৈৰ পৰা বস্তু অনা-নিয়া কৰিবলৈ কি যান-বাহনৰ ব্যৱহাৰ কৰা হয়?
উত্তৰ: বহুত দূৰৈৰ পৰা বস্তু অনা-নিয়া কৰিবলৈ মালবাহী ৰে’ল, ব্যৱহাৰ কৰা হয়।
৫৷ ৰোগী অনা-নিয়া কৰাৰ বাবে কি যান-বাহনৰ ব্যৱহাৰ কৰা হয়?
উত্তৰ: ৰোগী অনা-নিয়া কৰাৰ বাবে এম্বুলেঞ্চ ব্যৱহাৰ কৰা হয়।
৬৷ জুই নুমুৱাবলৈ কি যান-বাহনৰ ব্যৱহাৰ কৰা হয়?
উত্তৰ: জুই নুমুৱাবলৈ অগ্নিনিৰ্বাপক বাহিনীৰ যান-বাহনৰ ব্যৱহাৰ কৰা হয়।
৭৷ চিঠি-পত্ৰ কঢ়িয়াবৰ বাবে কি যান-বাহনৰ ব্যৱহাৰ কৰা হয়?
উত্তৰ: চিঠি-পত্ৰ কঢ়িয়াবৰ বাবে ডাক বিভাগৰ যান-বাহনৰ ব্যৱহাৰ কৰা হয়।
