➤ আমি কথা কোৱা আৰু লিখাৰ সময়ত অনেক প্রকাৰৰ ভুল হয়।
➤ শব্দৰ অশুদ্ধি
➤ বাক্যৰ অশুদ্ধি
➤ ভুল উচ্চাৰণ, ণত্ববিধি-ষত্ববিধিৰ নিয়ম নজনা, সন্ধি-প্ৰত্যয়ৰ ব্যৱহাৰ নজনা, বিভক্তিৰ প্ৰয়োগ নজনা আৰু সংস্কৃতৰ আৰ্হিত আখৰৰ ব্যৱহাৰ থকাৰ বাবে সাধাৰণতে শব্দ লিখোঁতে ভুল হয়।
ক্ৰিয়াকলাপ:
১৷ তলৰ আঁচটনা শব্দবোৰৰ শুদ্ধ ৰূপ লিখি বাক্যবোৰ পুনৰ লিখা।
(ক) প্ৰকাশে ভগৱানক অঞ্জলী যাচিছে।
উত্তৰ: প্ৰকাশে ভগৱানক অঞ্জলি যাচিছে৷
(খ) জেষ্ঠজনক সন্মান জনোৱা উচিত।
উত্তৰ: জ্যেষ্ঠজনক সন্মান জনোৱা উচিত।
(গ) বাল্মিকীয়ে ৰামায়ন ৰচনা কৰিছিল৷
উত্তৰ: বাল্মীকিয়ে ৰামায়ণ ৰচনা কৰিছিল৷
(ঘ) আমি শুদ্ধ উচ্ছাৰণ কৰি কথা কোৱা উচিত।
উত্তৰ: আমি শুদ্ধ উচ্চাৰণ কৰি কথা কোৱা উচিত।
(ঙ) কলম্বাছে আমেৰিকা আবিস্কাৰ কৰিছিল।
উত্তৰ: কলম্বাছে আমেৰিকা আবিষ্কাৰ কৰিছিল।
(চ) নৰনাৰায়ন এজন বীৰ ৰজা আছিল।
উত্তৰ: নৰনাৰায়ণ এজন বীৰ ৰজা আছিল।
(ছ) কষ্ঠ কৰিলেহে যিকোনো কামত সফল হ'ব পাৰি।
উত্তৰ: কষ্ট কৰিলেহে যিকোনো কামত সফল হ'ব পাৰি।
২। তলত দিয়া অশুদ্ধ শব্দবোৰক সেইবোৰৰ শুদ্ধ ৰূপৰ লগত মিলোৱা।
| (ক) ভূল | (i) গুৰু |
| (খ) গুৰূ | (ii) হাতলৰ |
| (গ) বিগ্যান | (iii) ভুল |
| (ঘ) হাটলৰ | (iv) জা-যোগাৰ |
| (ঙ) হাতজোৰ | (v) বিজ্ঞান |
| (চ) যা-যোগাৰ | (vi) হাতযোৰ |
| (ক) ভূল | (iii) ভুল |
| (খ) গুৰূ | (i) গুৰু |
| (গ) বিগ্যান | (v) বিজ্ঞান |
| (ঘ) হাটলৰ | (ii) হাতলৰ |
| (ঙ) হাতজোৰ | (vi) হাতযোৰ |
| (চ) যা-যোগাৰ | (iv) জা-যোগাৰ |
৩। তলৰ কোনটো শব্দ শুদ্ধ বাছি উলিয়াই কাষৰ বাকচত (✔) চিন দিয়া:
(ক)
| (i) পৰিস্কাৰ | ... |
| (ii) পৰিষ্কাৰ | ✔ |
| (iii) পৰীস্কাৰ | ... |
| (iv) পৰীষ্কাৰ | ... |
(খ)
| (i) জ্যেষ্ঠ | ✔ |
| (ii) জেষ্ঠ | ... |
| (iii) জ্যেস্থ | ... |
| (iv) জেস্থ | ... |
৩। তলৰ কোনটো শব্দ অশুদ্ধ:
| (i) পৰিস্কাৰ | メ |
| (ii) পৰিষ্কাৰ | ✔ |
| (iii) পৰীক্ষাৰ | メ |
| (iv) পৰীক্ষাৰ | メ |
৪৷ তলৰ বাক্যবোৰ শুধৰাই লিখা৷
১। ৰমেনে ভাত খাই স্কুল গ’ল।
উত্তৰ: ৰমেনে ভাত খাই স্কুললৈ গ’ল।
২। তোমাৰ দেউতাই কি কৰিছে?
উত্তৰ: তোমাৰ দেউতাৰাই কি কৰিছে?
৩। তেওঁৰ মা ঘৰত নাই।
উত্তৰ: তেওঁৰ মাক ঘৰত নাই।
৪৷ মই কালি নামৰূপ যাম।
উত্তৰ: মই কাইলৈ নামৰূপলৈ যাম।
৫। যোৱাকালি প্রফুল্ল আমাৰ ঘৰলৈ আহিছিল।
উত্তৰ: কালি প্রফুল্ল আমাৰ ঘৰলৈ আহিছিল।
৬। আজি আমি চিৰিয়াখানা যাম।
উত্তৰ: আজি আমি চিৰিয়াখানালৈ যাম।
৭। সভাখন গাম্ভীৰ্যতাপূৰ্ণ হৈছিল।
উত্তৰ: সভাখন গাম্ভীৰ্যপূৰ্ণ হৈছিল।
৮। আমি গাঁও যাম।
উত্তৰ: আমি গাঁৱলৈ যাম।
৯৷ চাৰিটা বজাৰ লগে লগে তেওঁ আহি পাব।
উত্তৰ: চাৰি বজাৰ লগে লগে তেওঁ আহি পাব।
১০। মই দশমমান শ্ৰেণীত পঢ়েঁ।
উত্তৰ: মই দশম শ্ৰেণীত পঢ়োঁ৷
১১। তুমি যাবানে নাই?
উত্তৰ: তুমি যাবানে?
১২। মোৰ মূৰ বিষাইছে।
উত্তৰ: মোৰ মূৰ কামুৰিছে৷
১৩। শেৱালি ফুল ৰাতি ফুটে।
উত্তৰ: শেৱালি ফুল ৰাতি ফুলে৷
১৪। তোমাৰ মামা ঘৰত আছেনে?
উত্তৰ: তোমাৰ মোমায়েৰ ঘৰত আছেনে?
১৫। সি মোক গালি দিছে।
উত্তৰ: সি মোক গালি পাৰিছে৷
১৬। প্রধান শিক্ষকক লগ ধৰি কথাটো জানি আহিবা।
উত্তৰ: প্রধান শিক্ষকক লগ কৰি কথাটো জানি আহিবা।
১৭৷ কাণী বুঢ়ীটো মৰিল।
উত্তৰ: কাণী বুঢ়ীজনী মৰিল।
১৮। তাৰ চকু উঠিছে।
উত্তৰ: তাৰ চকু উখহিছে৷
১৯। তেওঁ সিংহাসন আহৰণ কৰিছে।
উত্তৰ: তেওঁ সিংহাসনত আৰোহণ কৰিছে।
২০৷ বেজবৰুৱাৰ ৰচনাৰ ভাষাবোৰ শুৱলা।
উত্তৰ: বেজবৰুৱাৰ ৰচনাৰ ভাষা শুৱলা।
২১৷ মোৰ মনত তেওঁ এজন ভাল মানুহ।
উত্তৰ: মোৰ মানত তেওঁ এজন ভাল মানুহ।
২২। মই অথনিকৈ বজাৰলৈ গৈছিলোঁ।
উত্তৰ: মই অথনি বজাৰলৈ গৈছিলোঁ।
২৩৷ ৰীণা অথনি বজাৰ যাব।
উত্তৰ: ৰীণা অথনি বজাৰলৈ গৈছিল৷
২৪। প্ৰীতমে বাছলৈ ৰখি আছে?
উত্তৰ: প্ৰীতমে বাছলৈ ৰৈ আছে৷
২৫৷ আইতাই পিঠা বনাইছে।
উত্তৰ: আইতাই পিঠা পুৰিছে৷
২৬। মায়ে ভাত বনাইছে।
উত্তৰ: মায়ে ভাত ৰান্ধিছে৷
২৭। তাৰ পেহী ভাল নাচনী।
উত্তৰ: তাৰ পেহীয়েক ভাল নাচনী।
২৮। তোমাৰ বাইদেউ আজি আহিবনে?
উত্তৰ: তোমাৰ বাইদেৱেৰা আজি আহিবনে?
২৯। তাৰ মামা এজন ডাক্তৰ।
উত্তৰ: তাৰ মামাক এজন ডাক্তৰ।
৩০। ছোৱালীটোৱে ফুল বুটলিছে।
উত্তৰ: ছোৱালীজনীয়ে ফুল বুটলিছে।
