ভাৰতীয় গণতন্ত্ৰ, সমাজ বি‍জ্ঞান (দশম শ্ৰেণী) — অতি চমু প্ৰশ্নোত্তৰ

১৷ ১৯৪৫ চনত অনুষ্ঠিত হোৱা নিৰ্বাচনত ইংলেণ্ডত কোনটো দল জয়ী হৈছিল?

উত্তৰ: ১৯৪৫ চনত অনুষ্ঠিত হোৱা নিৰ্বাচনত ইংলেণ্ডত শ্ৰমিক দল জয়ী হৈছিল৷

২৷ ‘কেবিনেট মিছন’ ভাৰতলৈ কেতিয়া  আহিছিল?

উত্তৰ: ১৯৪৬ খ্ৰীষ্টাব্দৰ মাৰ্চত ‘কেবিনেট মিছন’ ভাৰতলৈ আহিছিল৷

৩৷ সংবিধান সভাৰ প্ৰথম সভাপতি কোন আছিল?

উত্তৰ: সংবিধান সভাৰ প্ৰথম সভাপতি আছিল সচ্চি‍দানন্দ সিন্‌হা৷

৪৷ খচৰা সমিতিৰ অধ্যক্ষজনৰ নাম কি?

উত্তৰ: খচৰা সমিতিৰ অধ্যক্ষ আছিল ড° ভীমৰাও আম্বেদকাৰ৷

৫৷ ‘সমাজবাদী’ আৰু ‘ধৰ্মনিৰপে‍ক্ষ’ শব্দ দুটা সংবিধানৰ কিমান সংশোধনী মতে প্ৰস্তাৱনাত সন্নিৱিষ্ট হৈছিল?

উত্তৰ: ভাৰতীয় সংবিধানৰ ৪২ তম সংশোধনী (১৯৭৬ চনৰ ১৮ ডিচেম্বৰ) মতে ‘সমাজবাদী’ আৰু ‘ধৰ্মনিৰপে‍ক্ষ’ শব্দ দুটা সংবিধানৰ প্ৰস্তাৱনাত সন্নিৱিষ্ট হৈছিল৷

৬৷ ইংৰাজী Federation শব্দটো কোনটো লেটিন শব্দৰ পৰা আহিছে?

উত্তৰ: ইংৰাজী Federation শব্দটো লেটিন শব্দ ‘Foedus’-ৰ পৰা আহিছে৷

৭৷ ‘যুক্তৰাষ্ট্ৰৰ গৃহভূমি’ বুলি কাক কোৱা হয়?

উত্তৰ: আমেৰিকাক ‘যুক্তৰাষ্ট্ৰৰ গৃহভূমি’ বুলি কোৱা হয়৷

৮৷ ভাৰতবৰ্ষত দ্বৈত নাগৰিকত্ব ব্যৱস্থা আছেনে?

উত্তৰ: ভাৰতবৰ্ষত দ্বৈত নাগৰিকত্ব ব্যৱস্থা নাই৷

৯৷ ভাৰতবৰ্ষৰ সংসদীয় গণতন্ত্ৰৰ ধাৰণাটো কোনখন দেশৰ সংবিধানৰ পৰা অনুকৰণ কৰা হৈছে?

উত্তৰ: ভাৰতবৰ্ষৰ সংসদীয় গণতন্ত্ৰৰ ধাৰণাটো ইংলেণ্ডৰ সংবিধানৰ পৰা অনুকৰণ কৰা হৈছে৷

অতিৰিক্ত অতি চমু প্ৰশ্নোত্তৰ